الملحن محمود الخيامي يكشف أسباب ابتعاده عن الساحة الفنية لمدة عام: قدمت تاريخًا لا بأس به
كشف الملحن محمود الخيامي، تفاصيل ابتعاده عن الساحة الفنية لمدة عام وعدم مشاركته في الكثير من الأعمال سواء بموسم الصيف أو الشتاء.
تصريحات الملحن محمود الخيامي
وكتب محمود الخيامي عبر حسابه بـ فيس بوك: “محبتي وشغفي للموسيقى قل بنسبة كبيرة.. وتقريبًا أكثر من سنة مبتعد عن الساحة.. وبتفرج على اللي بيحصل من بعيد.. أنا بعتذر لكل الموهوبين الشعراء اللي كان عندهم أمل فيا إني أوصل شغلهم بشكل محترم”.
وأردف محمود الخيامي: “وإن شاء الله هحاول أجتهد أني ألاقي علاج للحالة دي عشان أرجع أعمل حاجة ربنا أكرمني بيها ووهبها لي بتعمل سعادة للناس، ودي نيتي الدائمة وأنا بصنع أي موسيقى أني أكون سبب في سعادة اللي حواليا، الحقيقة ”.
وأضاف الخيامي: “ أنا مش من الناس اللي بتمشي مع الموجة، أنا ربنا أكرمني وعملت تاريخ لا بأس به ولازم أحترم الهوية اللي اجتهدت إني أعملها سنين طويلة، ودايما ربنا بيبعت لنا من وسط العتمة نور نقدر نكمل بيه طريقنا إن شاء الله على خير ويسر وسعة ونجاح يارب من عندك”.
