"الكورة دخلت الشبكة واتهزت".. أول تعليق من ياسر عبد الواحد بعد انسحاب المنصورة أمام فاركو

علق ياسر عبد الواحد، المدير الفني لفريق المنصورة، على قرار انسحاب فريقه من مواجهة فاركو، التي جمعت الفريقين ضمن منافسات الجولة الثانية من دوري المحترفين، مؤكدًا اعتراضه الشديد على القرارات التحكيمية التي شهدتها المباراة.

المنصورة يجهز شكوى ضد عبد العزيز السيد وطاقم تحكيم مباراة فاركو | خاص

إلغاء مباراة المنصورة وفاركو بعد رفض «البرتقالي» استكمال اللقاء

أول تعليق من ياسر عبد الواحد بعد انسحاب المنصورة أمام فاركو

وقال ياسر عبد الواحد في تصريحات لـ القاهرة 24، عقب المباراة: “أول ما شوفنا التعيين بتاع الحكم قولنا ربنا يستر، الحكم بتكون قراراته ضدنا بشكل واضح، زي ماتش النهاردة مش ممكن الكورة تدخل المرمى وما تتحسبش”.

وأضاف المدير الفني لفريق المنصورة، “أنا مشوفتش في حياتي قرارات كدا، وعبد العزيز حكم مش ممكن، هو هو نفس الحكم اللي أدار طنطا والماتش ووقعت فيه مشكلة وتم إعادة المباراة بسبب قراراته الخاطئة”.

وأردف المدير الفني للمنصورة عن واقعة اليوم أمام فريق فاركو: “الشبكة اتهزت، نزلنا الملعب فرحانين، لكن ما اتحسبش، وساب الكورة شغالة وراحوا جابوا جون لوحدهم”.

وأتم ياسر عبد الواحد تصريحاته قائلًا: “المنظر مينفعش خالص.. الكورة دخلت الشبكة واتهزت، وإحنا كنا نازلين فرحانين بالهدف”.