الدنيا قسيت عليا ولقيت نفسي في الشارع.. أول ظهور لـ الشاب مهند بعد تدخل جامعة الأزهر وإنقاذه من التشرد
كشف الشاب مهند خريج جامعة الأزهر، بعد استجابة الأزهر واستقبال مستشفى سيد جلال له، أسباب تدهور حياته والأزمات الاجتماعية التي مر بها خلال الفترة الماضية والتي انتهت به مشردًا في الشارع.
أول ظهور لـ الشاب مهند بعد تدخل جامعة الأزهر وإنقاذه من التشرد
وقال الشاب مهند في تصريحات خاصة لـ القاهرة 24: كنت عايش مع عيلتي في حال كويس جدًا وعندي أهل وبيت زي كل الناس وبسبب ظروف معينة حالي اتبدل تمامًا لحد ما اترميت في الشارع في الفيديو اللي الناس شافتني فيه لدرجة إني كنت بتمنى الموت بسبب اللي حصل فيا.
وتابع: الحمد لله النهاردة وصلت مستشفى سيد جلال ولقيت أحسن معاملة وأحسن خدمة والدكاترة كانوا جنبي في كل حاجة، وأنا خريج لغة عربية جامعة الأزهر، وختمت القرآن 4 مرات، وكان نفسي أعيش زي أي شاب بس حصلتلي ظروف كتير
وأضاف: اللي حصلي في حياتي مش هقدر أنساه، والدي قسي عليا مرة واحدة ودمرني أنا وإخواتي ودلوقتي نفسي أطلع من المستشفى أشتغل وأمشي على رجلي.
جامعة الأزهر تستجيب لاستغاثة مهند أحد خريجيها وتضعه تحت الرعاية الطبية
استجابةً لاستغاثة إنسانية رصدها المركز الإعلامي بجامعة الأزهر، استقبل مستشفى سيد جلال الجامعي الشاب مهند، أحد خريجي جامعة الأزهر، الذي يعاني من التشرد، ويفترش أحد الشوارع، ويشكو من كسور بالساق، مطالبًا بتلقي العلاج حتى يتمكن من العمل وممارسة حياته بصورة طبيعية.
