بعد فيديو لمسنة تأكل من الزبالة.. مطعم يقدم وجبات مجانًا لكبار السن المحتاجين (صورة)
في لافتة طيبة، أعلن الفنان مصطفى درويش تخصيص وقت محدد يوميًا في مطعمه “بيت روقة” لتقديم وجبات مجانًا للمحتاجين من كبار السن.
وقال “درويش” على حسابه الشخصي على “فيس بوك”: “فيديو الست اللي قاعده بتاكل في الزبالة ده يقطع القلب والله، وعشان الفيديو ده أنا فتحت المطعم بتاعي كل يوم من الساعة 4 للساعة وجبات مجانية للمحتاجين من كبار السن في اَي فرع من مطعم “بيت روقة” وخصصنا كمان مبلغ من كل شيك عندنا في المطعم لإيواء كبار السن وتوفير سكن مناسب وعيشة مناسبة ليهم، لإن دول أهالينا كلنا ده أبونا وأمنا مش هنسيبهم في الشوارع كده”.
وأضاف: “إن شاء الله ربنا يقدرنى وابني دار لإيواء كبار السن والمسنين اللي معندهمش مسكن ولا مآوي، كل المطلوب منكم أي حد يعرف شخص كبير في السن ماعندوش مأوى ولا أكل يبعته علي المطعم كل يوم من 4 لـ5 عصرا، المطعم هيستقبله أحسن استقبال، وقوللهم محدش يتكسف كل اللي احنا فيه ده من خيرهم هما بقو شركاء في المكان”.
يأتي ذلك بعد تداول فيديو على مواقع التواصل الاجتماعي لسيدة مسنة تأكل من أحد مقالب الزبالة، الأمر الذي تجاوب معه مستخدمي مواقع التواصل”.
