بعد فيديو الواسطة أحمد العوضي ساخراً من العسيلي: “ماتتصور معاه يا سلطان الطرب” (صور وفيديو)

هاجم النجم أحمد العوضي، الفنان محمود العسيلي، بعدما انتشر له فيديو، من إحدى حفلاته، وهو يسخر من أحد متابعيه طلب التصوير معه.

وقام العوضي بإعادة نشر الفيديو، وعلق عليه قائلاً: “ماتتصور معاه أنت عامل حكاية ليه ياعندليب ياسلطان الطرب، وبترجعوا تزعلوا”.

وأثار الفنان محمود العسيلي، غضب الجمهور المصري، بعدما نشرت إحدى الفيديوهات، أثناء حفله الأخير، عندما كان يطلب منه شخص التصوير معه، ولكن قام بالرد عليه بطريقة محرجه، حيث قال: “حضرتك معاك واسطة عشان اتصور معاك يعني، اشمعنى هتصور معاك، ليرد عليه المعجب “عشان بحبك”، فيرد عليه العسيلي: يعني انت بتحبني وباقي الناس اللي في الحفل لأ، ماهو أنا لو اتصورت معاك يبقى هتصور مع الناس اللي موجودة دي كلها”.

وفي اليوم الثاني، حرص العسيلي، على تقديم الإعتذار لجمهوره الذي غُضب، حيث نشر تدوينة على جميع صفحاته الرسمية بمواقع التواصل الإجتماعي يوضح فيها حقيقة الأمر، وقال: “أي فنان عارف انه من غير جمهوره هو ولا حاجة و صفر على الشمال وإن من تواضع لله رفعه باعتذر بشدة لكل الناس اللي اتضايقت من الفيديو اللي انتشر، و باعترف أني كنت غير موفق تماما في اختيار الألفاظ و لكن الصورة والله ناقصه و كان كل نيتي عدم تمييز حد عن حد اثناء الحفلة،انا أسف مرة تانية “.

العسيلي يحرج معجب طلب التصوير معه فى حفلته: “أنت معاك واسطة”؟! (فيديو)

وتعتبر هذه ليست الواقعة الأولى، للفنان محمود العسيلي، حيث أثار غضب الجمهور من قبل، بعدما ظهرت الفنانة اللبنانية ميريام فارس، في مؤتمر صحفي، وقالت إنها كبرت في السن وأسعار حفلاتها كثيرة على مصر، ليرد عليها بطريقة محرجة، حيث إنه وصفها بـ”الكارتة”.

ثم بعد ذلك طالبه الجمهور بتقديم الإعتذار الرسمي لها، عبر حساباته على مواقع التواصل الإجتماعي وقال: “: “‏إلى كل البني آدمين اللي شعركوا كيرلي أو اكرت احب اقولكو ان أمي شعرها أكرت و أنا كنت اكرت قبل ما أبقى اقرع، باعتذر لو سببت آي حساسية.. الموضوع مالوش أي دعوه بشعركوا التحفة الجميل اللي ربنا خلقه كدا”.

وأضاف: “و انا بأحب الشعر الكيرلي و اول حب في حياتي كان شعرها كيرلي و ممكن اعمل أغنية عن الشعر الكيرلي.. الحمد لله العنصرية عمرها ما كانت من صفاتي .. كلنا بني آدمين سواسية ربنا خلقنا كلنا زي بعض فينا من جماله و خلقه و اختلافنا قي الشكل و في الفكر و في الدين و في الثقافة بيحلينا اكتر مش بيوحشنا.

وتابع العسيلي: “.كل ما في الأمر ان واحده كارته وخنفة نسيت نفسها و اتريقت على مصر و الناس اللي بيشتغلوا في مصر فقلت ارد عليها بالطريقة البلدي بتاعتنا اللي احنا كلنا عارفينها و الموضوع مالوش دعوة بشعر أو خنفة حضراتكو خالص”.

وكرر المطرب اعتذاره: “وأنا اسف مره تانية و يا ريت نشير في الخير عشان نحاول نوقف إسهال الهري و شكرا”.