هاشتاج “رجعوا التكليف لتربية” يغزو تويتر للمطالبة بالتوظيف بعد سنوات الجامعة (صور)
دشن خريجي كليات التربية هاشتاج “رجعوا التكليف لتربية” للإعلان عن رغبتهم في عودة التكليف بمجرد تخرجهم من الجامعات والالتحاق بالعمل مباشرة، مثلما كان يحدث في السنوات الماضية.
وتصدر هاشتاج “رجعوا التكليف لتربية” مراكز متقدمة في البحث على موقع التدوينات القصير “تويتر”، وعبر المغردون من خلاله عن مدى معانتهم لللالتحاق بالكلية، بالإضافة إلى صعوبة سنوات الدراسة على أمل إيجاد وظيفة حكومية أسوة ببعض كليات القمة مثل طب وصيدلة.
احنا نستحق وعن جدارة اننا ناخد التكليف احنا بننزل الكلية ٦ أيام في الاسبوع ما بين عملي ونظري وسكاشن وابحاث وشيتات مبتخلصش …عدد المواد اراهن اذا كانت اي كلية بتاخد نفس العدد ..حوالي ١٢ مادة في الترم ….والامتحانات عندنا مبتخلصش من ميد لشفوي لنظري لعملي #رجعوا_التكليف_لتربية
— Řadwa Ali Elpardisy (@AliElpardisy) July 18, 2019
وكتبت إحدى الخريجات: “مقضية عمري كله في تعليم وتعب ثانوية وجبنا فوق التسعين ودخلنا تربية ومرمطة حرفيا تعتبر من أصعب الكليات وحضور يوميا من ٨ الصبح ل ٦ وف أيام مكملين من غير فاصل ساعة حتي كل دا وف الآخر هنتساوي بالباقيين ومش هنشتغل حرام عليكم متضيعوش حقنا”.
ابسط حقوقنا بعد تعب 4سنين تربوي وجهد وتعب ونفسيه زفت اننا نتخرج نلاقي ثمرة كل ده #رجعوا_التكليف_لتربية
— Ĝäna (@Gana43386335) July 18, 2019
وأضافت أخرى: “رجعوا المربي والمعلم،لا تجلعوا بناء كلية التربية أسوار تتحطم عليها أحلامنا، رجعونا نعمر ونغزو العقول بالعلم ،رجعوا مصر بينا”.
يا ريت بجد ترجعوا التكليف لتربية لأن اغلب طلبة الجامعات فيها فبالتالي هتقل نسبة البطالة #رجعوا_التكليف_لتربيه
— Döãã (@dodykhodary) July 19, 2019
واتفق معهم في الرأي: “من حقنا التكليف يرجعلنا احنا مش كليه سهله ولا داخلينها بمجاميع قليلة احنا في قسم كيمياء درسنا مواد كتير وتعبنا كتير والدكاترة مش متساهلة معنا لأه دي بتصعب المواد علينا ودكاترة مواد التخصص مصعبين المواد علينا بطريقه معقدة”.
يذكر أن الحكومة قد قررت عام 1998 إلغاء تكليف كليات التربية في وزارة التربية والتعليم، واستبدلتها بإعلان مسابقات تعيين حسب حاجة المدارس المختلفة.
