جنش يرد على أمير مرتضى منصور: “قعدتني 6 ساعات عشان تديني 150 ألف”
علق محمود جنش حارس مرمي الزمالك، على تصريحات أمير مرتضى منصور مدير الكرة بالفريق حول أسباب عدم حصوله على مستحقاته المالية.
وقال جنش فى رده على أمير مرتضى منصور عبر حسابه على موقع الصور “انستجرام”: ” انا برضه عندي ظروف و كلمتك كتير و خليت وكيلي يكلمك و كلمت ك زاهر وجيت النادي و حضرتك خلتني قاعد ٦ ساعات عشان ٢٠٠٠٠٠ الف جنيه و في الآخر حضرتك كلمت وكيلي قولتله أدي جنش ١٥٠٠٠٠ الف من معاك وعلي العلم برده انا عقدي مش كبير زي أغلب الاعبين اللي حضرتك زكرتهم و بعدين سؤال بس هو في حد استحمل النادي اكتر مني ودا مش كلامي دا كان كلام حضرتك صح برده والا ايه، اه حاجه تانيه المفروض لما اتصاب يكون ناديه اكتر حد داعم ليا وجانبي مش كدا والا ايه”
حارس الزمالك يرد على مدير الكرة
وكان أمير مرتضى منصور قد رد على جنش فى سؤاله عن سبب تأخر حصوله على مستحقاته المالية موضحاً ان الشركة الراعية هى السبب.
أمير مرتضى منصور يرد على أزمة مستحقات جنش
وقال أمير ردًا على جنش في حسابه على انستجرام: “احب ارد عليك قدام الناس علشان حقك و حقهم يعرفوا لأنك سألتني قبل كدة ورديت عليك بيني و بينك لما جيتلك البيت ورغم ان نظام الفريق منع الكلام في الاعلام و السوشيال ميديا بس هرد عليك”.
وأضاف: “لا السبب مش اصابتك طبعاً يا كابتن .. تقدر تسأل كل زمايلك في الفريق على مقدم الموسم الجديد حصلوا عليه ولا لأ !! جميع اللاعيبن بإستثناء اتنين لاعيبة فقط هما اللي حصلو على المقدم علشان كان عندهم ظروف طارئة يعني مثلاً فرجاني و بو طيب طارق حامد و محمود علاء و الونش و محمد حسن زيزو وعمر السعيد و عبدالله جمعة واوباما و غيرهم لسة مخدوش مقدم الموسم الجديد”.
وتابع: “أما بالنسبة للصفقات الجديدة فالطبيعي أن يقبض المقدم مع التوقيع وفي برضه ناس لسة مقبضتش وقالو مفيش مشكلة نقبض مع زمايلنا بما أنك سألت عن السبب قدام الناس فأحب اقولك ان الشركة الراعية متأخرة في دفع مستحقات كل الأندية حتى المقاصة كانت مش هتذيع الماتش بسبب مستحقاتهم”.
