هنا الزاهد عن مشهد صلاة الجنازة على طلعت زكريا: “الناس بتحبك أوي” (صورة)
نشرت هنا الزاهد صورة من صلاة الجنازة التي أقيمت على النجم طلعت زكريا، وذلك بمسجد العمري بمنطقة العطارين بمحافظة الإسكندرية، مسقط رأس الفنان الراحل.
وعلقت الزاهد على الصورة قائلة: “يا حبيبي الناس بتحبك اوي. ارجو الدعاء لطلعت زكريا. ان لله و ان اليه راجعون. ربنا يرحمه و يغفر له يارب”.
لا يعلم الكثير العلاقة التي تربط الفنان طلعت زكريا والنجمة هنا الزاهد وشقيقتها، وزاد التساؤل بعدما أرثت هنا الكوميديان الكبير بكلمات مؤثرة على صفحتها بانستجرام، بعدما نشرت صورة جمعتهما.
وجاء كلمات هنا كالآتي: “دي اخر صورة اتصورتها في كتب كتابي مع ابويا و حبيبي و سندي اللي كبرت معاه سنين. انا فتحة الصورة دي من بدري و عايزة اقولك انك ربنا هيدخلك الجنة يا اطيب خلق الله انت ربيت ٣ بنات و كأنك ابوهم و اكتر. انا عايزة اقولك اني معرفتش كلمة بابا غير وانا معاك”.
وأضافت: “عمري ما قولت اصلا تقريبا بابا غير ليك، كنت بجري عليك اول معمل حاجة غلط عشان تدافع عني قدام ماما. فكرة أول بيض اومليت و قولتلي اعملي مطعم “بالهنا و الشفاه” واديتني ١٠٠ جنيه عشان تشجعني اطبخ”.
وأكملت حديثها: “كنت دايما تقولي انت هتبقي حاجة كبيرة وكنت بتشجعني، كنت فخور بيا لما اتخرجت و عيط اليوم ده، انا عمري ماحسيت انك مش أبويا اللي مخلفني، انا مش مصدقة اني مش هشوفك تاني واقولك زازي يا زازي، نفسي ترجع و اقولك قد ايه احنا بنحبك كلنا وا قولك انك اعظم ممثل، انا بحبك اوي ومكنتش اعرف اني بحبك أوي كده، هتوحشني يا أحن انسان عرفته في حياتي، ارجو الدعاء”.
يذكر أن هنا الزاهد تربت على يد الفنان الكبير طلعت زكريا، كونه زوج والدتها السابق لسنوات عديدة، وصرحت من قبل هنا في أحد البرامج أن الجمهور أعتقد أن طلعت زكريا والدها لكنه ليس كذلك بل تربت على يده نظرًا لأنه زوج والدتها.
