مرتضى منصور يتطوع للدفاع في قضية شهيد تذكرة قطار طنطا (فيديو)

أعلن المستشار مرتضى منصور، رئيس نادي الزمالك، تطوعه للدفاع فى قضية محمد عيد شهيد تذكرة قطار طنطا ، وكذلك الطالب محمود البنا، والذى لقى مصرعه على يد طالب آخر.

وقال مرتضى منصور فى مداخلة هاتفية لبرنامج الزمالك اليوم:”بالنسبة لمحمود البنا اللى كان بيدافع عن بنت ضد 3 أولاد أنا بستأذن المحامين ويشرفنى أحضر معاكم متطوعاً، شوفت صورته وكل جريمته أنه كان بيدافع عن من بنات من ولاد سفلة مش متربين”.

كامل الوزير يُقبل رأس شقيق شهيد التذكرة ويعتذر له عن حادث القطار (صور وفيديو)

وأضاف مرتضى منصور:”سعدت بزيارة الوزير كامل الوزير اللى زار أسرة محمد عيد ضحية القطر، وعايز أقول للكمسري أنت بتاخد تذاكر مجانية لأسرتك، أزاى تقوله يا تدفع يا تنط، وينط أزاي ويموت الولد اللى شفت أسرة بيعمل ميداليات وبيصنعها يعنى لا حرامى ولا نصاب ولا عربجي ولا عمل مليارات من الحشيش وسرقة البلد ومدفعش ضرايب”.

وأكمل مرتضى منصور:”الود غلبان عشان تذكرة ومكنش حاجز كرسى ده كان واقف، وبقول للكمسرى ممكن تعتبره فراش فى القطر والقصة مبقتش قانون بقت مافيش رحمة وكلنا زعلانين على شاب جميل مكافح ومناضل شيء محزن أنا بقول للوزير متشكرين على حضور محامي، وأنا مطوع للدفاع عن الشاب”.

https://www.youtube.com/watch?v=6Lz6GHPahl4&feature=youtu.be&fbclid=IwAR0PjAjqtFsD1eSRlUFYvR95jfpyFshxL_5AiMV2ZxSuI5iWkkk_rvEu2oc