“اتجوزي واقعدي في البيت”.. عمرو سمير عاطف يوجه رسالة لـ”كل واحدة عايزة تمثل ومش عارفة” (تدوينة)
في رسالة قد تكون صادمة للبعض، وجه السيناريست الكبير عمرو سمير عاطف، صاحب العديد من الأعمال الناجحة ومؤلف فيلم “ولاد العم”، للفنانات اللاتي يحاولن اقتحام عالم التمثيل ويفشلن في الحصول على أدوار هامة في أعمال سينمائية أو درامية الفترة الأخيرة.
وقال سمير عاطف خلال صفحته على “فيس بوك”: “حابب بعد إذن الجميع أوجه رسالة لكل واحدة عايزه تمثل لو إنتي واحدة حلوة وبقالك سنين طويلة بتحاولي إنك تبقي ممثلة أو إنك تعملى أدوار مهمة ومش عارفة، السبب الوحيد في ده هو إنك ما بتعرفيش تمثلي وما فيش عندك أي موهبة ومافيش أي سبب تاني”.
وأضاف: “مش لإنك مش بتاعة شغل ومش لإنك مش شمال ومش لأنك مؤدبة ومش عايزة تنحرفى خالص والله السبب الوحيد والأكيد هو انعدام الموهبة والكاريزما أو الاتنين، شوفي شغل تاني أو اتجوزي وأقعدي في البيت وده أكيد ها يكون في مصلحتك ومصلحة الفن ومصلحة المجتمع”.
