الحكومة تكشف تفاصيل عبور 1700 طالب عالقين على الحدود المصرية السودانية بسبب كورونا (صورة)
كشف هاني يونس، المستشار الإعلامي لرئيس مجلس الوزراء، الدكتور مصطفى مدبولي، تفاصيل نقل 1700 طالب عالقين على الحدود المصرية السودانية، بسبب فيروس كورونا، إلى داخل البلاد.
وكتب يونس منشورًا على صفحته بـ”فيس بوك”، نقلًا عن الدكتورة نبيلة مكرم، وزيرة الهجرة وشئون المصريين في الخارج، قال فيه: “1700 طالب عالقين على الحدود المصرية السودانية بقالنا يومين فى شغل صبح وليل على معبر قرسطل.. كله بيشتغل بس لازم كمان نتاكد من سلامتهم.. ضبطنا مع وزارة الصحة يجيولنا على المعبر يحللوا للأولاد.. ده بياخد وقت، والأولاد جعانة وعطشانة وزهقانة بس حسوا بالفرق، شافوا المعاملة الطيبة من رجالتنا بتوع حرس الحدود بعد ما الدولة فتحت المعبر، وشافوا وزارة الهجرة بتكلمهم على تليفوناتهم وترجع تطمن أهاليهم.. وشافوا وزارة الصحة اللى جاتلهم.. شافوا مصر معاهم”.
وتابع: “طب هياكلوا ويشربوا منين لغاية ما تخلص فترة التحليل.. رجل أعمال وطني مش بس استجاب ووافق على طلبي بتوفير أتوبيسات ونقلهم من المعبر لبيوتهم بس كمان زود من عنده الوجبات.. طب نوصلها ازاي للعيال والمعدية اللي بتنقل الأتوبيسات بتقفل الساعة 5.. جم بقى حرس الحدود.. قالوا مالكوش دعوة هنتصرف.. جابوا مراكب خاصة ولانشات لنقل الوجبات”.
واستكمل المستشار الإعلامي لرئيس الوزراء: “رسايل الامهات اللي بتدعلينا هي أجرة كل واحد فينا اشتغل في اليومين دول.. والنهاردة يوم الجمعة كله لسة شغال علشان بتوفيق ربنا كلهم ح يرجعوا بيوتهم. كل واحد فينا عارف شغله وشغل وزميله.. علشان كده النجاح بيبقى للكل..حمدلله على السلامة”.
