بدرية طلبة تتصدر تريند تويتر بعد الهجوم على “رسالة”.. والجمعية: سوء تفاهم (فيديو)
تصدرت الفنانة بدرية طُلبة، تريند موقع التغريدات “تويتر”، بعد الفيديو الي نشرته أمس، وهاجمت من خلاله جمعية “رسالة”، الأمر الذي حظي باهتمام مستخدمي مواقع التواصل الاجتماعي بين مؤيد ومعارض.
وقالت بدرية في الفيديو: “الشباب الي بيتواصلوا مع الناس كلموني، وهو إخوان ولا لاء، ولكن دلوقتي اللي له واقعة مع جمعية رسالة يكتبلنا عشان هانروح بشكل رسمي نقدم بلاغ في جمعية رسالة”.
ووجهت رسالة لأصدقائها من الوسط الفني الذين تبرعوا لها بالمال في تحدي الخير: “زمايلي اللي اتبرعوا، استأذنكوا عايزين إيصال يثبت أنكم اتبرعتو، لأن فيه ناس بتشكك في تبرعكم، لأن كمان فيه ناس بتشكك فيكوا وبتقول انكم ماتبرعتوش، فعشان تثبتوا موقفكوا عشان أما نروح نقدم بلاغ رسمي، نعرف احنا بنتكلم مع مين”.
#بدريه_طلبه_فضحتهم بدرية طلبه فضحت جمعية رسالة الأخوانية وفضحت كدبهم وسرقة فلوس التبرعات فهمتو الحكاية الأخوان وزيولهم الى زى رسالة مبيتعظوش ولابيخافو ربنا حتى فالوباء وفالكوارث بيعملو مصلحة على حساب الشعب أخوان الشيطان خافو ربنا الدنيا فيها وباء سبب الهجوم على بدريةفضحتهم?? pic.twitter.com/dgKDHLCqMt
— ??أمل محمد(5)?? (@AMiLMOHMED3) March 25, 2020
واستكملت: “الناس جعانة، وفيه ناس مأجرين شققهم قانون جديد، يعني الشخص بيكون عايز الشهر عشان يأكل بيه، بمعنى أن المؤجر والمستأجر في ورطة، فالراجل مضطر يطلع الناس اللي مش قادرة تدفع، وبالنيابة عن اللي معايا في الجروب احنا مش قادرين على الحالات”.
واختتمت: “احنا دلوقت الدنيا واقفة على الكل، واللي معاه 5000 في بيته وكان بيطلع 500 لله، هيحافظ على الـ4500 لأنه مش عارف بكرا فيه إيه، فبعد إذنكم عايزين نعرف جمعية رسالة إخوانية ولا لاء”.
بلاش تزورونا.. بدرية طلبة تحث المواطنين على مواجهة كورونا والبقاء في المنزل
ونشرت متابعة الفيديو، وعلقت عليه قائلة: “بدرية طلبة فضحت جمعية رسالة الإخوانية وفضحت كدبهم وسرقة فلوس التبرعات، فهمتو الحكاية الإخوان ورسالة مبيتعظوش ولا بيخافو ربنا، حتى في الوباء وفي الكوارث بيعملو مصلحة على حساب الشعب، إخوان الشيطان خافوا ربنا الدنيا فيها وباء، سبب الهجوم على بدرية.. فضحتهم”.
من جانبها، ردت جمعية رسالة على ادعاءات بدرية طلبة، حيث تواصل “القاهرة 24” مع أحد المسؤولين من جمعية رسالة، الذي أوضح أن هناك شخصا تواصل مع الفنانة بدرية طلبة، وأوضح لها حقيقة الفكرة، وأدركت الفنانة أن هناك سوء تفاهم وليس أكثر، بل ورحبت بالفكرة وستتعاون مع الجمعية، كما وعدت أنها ستأتي للمقر هنا بعد انتهاء أزمة الكورونا.