بعد وصلة هجوم على أحمد السيد.. ميدو : “بهزر معاه” (صور)

أعلن أحمد حسام ميدو، نجم الزمالك السابق، الهجوم على أحمد السيد، لاعب النادي الأهلي السابق، بعد تصريحات الأخير أمس الثلاثاء عن مفاوضات القلعة البيضاء معه.

وقال أحمد السيد في تصريحات له على قناة  “أون تايم سبورتس”: “الزمالك فاوضني كثيرًا في عام 2005، وممدوح عباس تحدث معي أكثر من مرة”.

وكتب ميدو عبر حسابه الرسمي على موقع التواصل الاجتماعي تويتر: كمية لاعيبة كورة سابقين، ظهروا على شاشات التلفزيون، وقالوا تصريحات كاذبة، وكأن الجماهير أُصيبت بالزهايمر، أو اليوتيوب وجوجل اتحذفوا”.

وأضاف: أرجو من السادة مقدمي البرامج عدم استضاقة أي لاعب بجح أوي وبيكذب عيني عينك انهم يحرجوه بكلامه القديم والفيديوهات!! مش عيب على فكرة العيب انك تبقى عارف انه كذاب والمشاهد عارف انه كذاب وتعدي الموضوع علشان الراجل جدع وجالك ضيف!! او فريق الإعداد مش عايز يحرجه!!

ميدو: “مصر مقعدة العائدين من الخارج في الميريديان.. واللي تعمد تشويه الدولة لازم يتحاسب”

وتابع ميدو: “اللاعيبه قالت اي كلام وأنا بصحى اشوف وعادي مابفتحش بوقي لكن بصراحة انفجرت دلوقتي لما قريت أن أحمد السيد قال إن الزمالك فاوضه مرتين وهو رفض”.

وواصل ميدو هجومه : اللاعيبه لا تفرق ما بين إن وكيل عرض عليك وما بين إن النادي عرض عليك رسميا.. عمل الوكيل أنه يحاول ويحاول يمكن الموضوع يمشي ويبتدي يوصلك معاه لحد مايوديك المكان اللي هو عاوزه لو قدر!!

ميدو ينتقد إدارة الأهلي.. تعرف على السبب (صورة)

وأكمل: من حق أي حد يقول رأيه في أي حد لكن الكذب العلني خاصة مع التكنولوجيا الحديثة غباء اجتماعي كبير جدا..ومرة أخري أكرر إن الخطأ يقع على أي مقدم يبقا عارف إن اللي مستضيفه ليكذب ومعاه دلائل إنه كذاب ولا ينطق بكلمة!! هذا أيضًا غباء لإنك بتفقد قيمتك الحقيقية كمحاور!!

وأتم ميدو: أنا أمزح بشأن موضوع أحمد السيد..أحمد كان لاعب متميز جدا ومجتهد ومخلص ودمه خفيف جدا ومن ألطف اللاعبين الذين لعبت معاهم في حياتي.

لازم نستغل الظروف.. ميدو ينتقد وضع الأطباء في مواجهة كورونا ويطالب بوضع حد لرواتب اللاعبين والمدربين