أحمد فلوكس يتحدث عن فتاة أحلامه: “تستاهل أني أحوشلها.. عشان ده سلو بلدنا”
تحدث الفنان أحمد فلوكس، عن السيدة التي يرغب في زواجها الفترة المقبلة، وذلك خلال لقائه مع المخرجة إيناس الدغيدي، في الموسم الرابع من برنامجها “شيخ الحارة والجريئة”، على شاشة القاهرة والناس.
وقال فلوكس: “هي سيدة جميلة روحًا وكانت معايا في المدرسة، وتستاهل أني أحوشلها عشان أتجوزها، ودا سلو بلدنا أني احوشلها، كمان الراجل اللي بيعمل كل حاجة في الزواج، وربنا مدينا الصحة عشان تعرف مسؤليتك، وجملة بشتري راجل دي صعبة”.
أحمد فلوكس يرد على منتقديه في شيخ الحارة والجريئة: “ياريت أبقى شهيد”
وفي وقت سابق، أعلن فلوكس خوضه قصة حب جديدة، وذلك على حسابه الشخصي بـ”فيس بوك”: “ههه بسبب الصوره دي قالوا عليا اتجوزت وبقضي شهر العسل وقابليها قالوا عليا إني اتجوزت عرفي وقابليها قالوا كلام كتير بس أحب دلوقتي اقول أنا إيه”.
وتابع: “الحقيقة أه ادعولي أتجوز الإنسانة اللي قابلتها والحقيقة هي كانت معايا في نفس المدرسة وعشرة سنين ومش زي ما قالوا خبيرة تجميل هي الحقيقة سيده أعمال في مجال السياحة، وبنت ناس محترمين جدًا ومن عيلة ولأن وزنها يتاقل دهب والحقيقة علشان أقدر أروح أطلب إديها وأنول شرف جوازها محتاج ترتيبات كتير وأحوش كتير علشان مهرها أكيد مش مهر عادي ولا شبكتها هاتكون شبكة عادية”.
واختتم: “وبما إني مش صغير وعندي ابن فأكيد هي كمان مش صغيرة وأكيد عندها ولاد من أجمل الأولاد اللي شوفتهم في حياتي فأكيد الجواز محتاج وقت وتحضير وعلشان أروح لأهلها ده لوحده موضوع كبير، فا علشان كده لسه ماخدتش خطوه صريحة، ادعولي علشان ساعات بيكون رزق ربنا لعبده هو واحدة زي دي تشاركه حياتوا، للي مهتمين بجوازي ادعولي ربنا يوفقني، دي ردي علي موضوع الجواز، وفي النهاية أحب أقول كلمه واحدة بالنسبة لموضوع السرير (سكر محلي محطوط عليه كريمه)”.
بعد إعلان ارتباطه.. لماذا حذف أحمد فلوكس صوره مع هذه السيدة؟ (صور)
