خالد بيبو يهدد شقيق صحفي بالطرد من الأهلي بسبب منشور على “فيس بوك”
هدد خالد بيبو عضو لجنة التخطيط بالنادي الأهلي، شقيق صحفي بالطرد من منصبه بالأهلي بقطاع الناشئين بالنادي، بسبب الهجوم عليه عبر موقع التواصل الاجتماعي “فيس بوك”.
وكتب الناقد الرياضي نادر عبد الباقي عبر حسابه الرسمي فيس بوك: “وصلني تهديد من خالد بيبو عن طريق صديق مشترك إنه هيمشي إسلام أخويا المدرب في أكاديمية الأهلي فرع الشيخ زايد، علشان كتبت بوست قولت وجهة نظري فيه.. الله الله على قيم ومبادئ الأهلي اللي بتدمر على إيد ناس غير مسؤولة”.
وأضاف “عبدالباقي”: “ملحوظة اقسم بالله إسلام مدرب محترم وهادي ومش بتاع مشاكل نهائيا ودايما على خلاف معايا، واتصل بيا اتخانق معايا خناقه كبيرة أووووي بسبب البوست اللي كتبته.. هى وصلت للدرجة دي، تمشي مدرب وتظلمه وتقطع عيشه علشان أخوه انتقدك.. يااااااه ده انت والله العظيم أثبت فعلا مصداقية البوست اللي كتبته عنك، عموما الله كريم وأهلا وسهلا وأنا قبلت التحدي يابيبو وكفاية إن الناس كلها عرفتك على حقيقتك”.
وكان الناقد الرياضي قد انتقد فكرة ترشيح البعض لتولي خالد بيبو منصب مدير الكرة في النادي الأهلي، زاعما أن شخصي ولا يناسب هذا المنصب.
الأهلي يحدد موقفه من استئناف النشاط الرياضي في ظل أزمة كورونا (بيان)
