شقيق حمصة مشجع الأهلي: “محمد الجارحي وعدني بوظيفة وأطراف صناعية وتخلي عني” (تدوينة)
كشف متولي شقيق حمصة مشجع الأهلي الذي تعرض العام الماضي لإصابة أدت الى بتر قدميه عن مفاجآت فيما يخص الوعود التي حصلت عليها الأسرة من بعض المسئولين داخل النادي الأهلي لعلاج شقيقه.
وقال متولى عبر حسابه الرسمي على فيس بوك، إن رجل الأعمال محمد الجارحي عضو مجلس إدارة النادي الأهلي وعده بتوظيفه في شركة الجارحي وشراء أطراف صناعية له، إلا أنه لم يفي بوعوده ولا يرد علي الاتصالات الهاتفية.
وقال متولي في بداية حديثه: “في ـول يومين كان كل الكلام بالتليفون مع حمصة من لاعيبه سواء سابقين وحاليين وأعضاء مجلس إدارة النادي الاهلي وفي اليوم الثالث العميد محمد مرجان بعت مندوب عن النادي كلفه يبقي معانا وهو المحترم أستاذ كريم منصور وحضر معانا يوم نقل حمصه من العنايه المركزه لعنبر ودا كان اصعب يوم لأن حمصه اترمي فيه وكان استاذ كريم بيحارب عشان يلاقيلو انضف مكان في الوقت دا المستشفي كانت بتطردنا حرفيا بشكر استاذ كريم علي اللي شافه واستحمله معانا”.
جمهور الأهلي أمام منزل المشجع المصاب عقب خروجه من المستشفي (صور)
وأضاف:” جبينا في اليوم الرابع وهي مرحلة الوعود جه الاستاذ محمد جمال الجارحي الفيديو موجود وعدنا بشغل لمحمد في الجارحي جروب وتركيب الأطراف ودعمه في كل حاجه سواء علاج أو مستشفي يعني من الاخر تكفل بكل شئ المفروض محمد محتاجه ودا كان وعده لينا وبالفعل دفع للمستشفي ١٠٠٠٠ جنيه وجاب لمحمد كرسيين واحد للشارع وواحد للحمام وبعد كدا كان في مبلغ دفعناه للعلاج حوالي ١٨٠٠ جنيه واخدناهم بالفعل من استاذ كريم منصور بعد ما قدمنالو الفواتير ودول معرفش مين دفعهم الحقيقه الاداره او استاذ جارحي “. واتم :” بعد كدا بقي مرحلة الخروج من المستشفي واننا منتظرين الجرح يخف بيقعد حوالي شهر عبال ما يبدأ ينشف ويفك السلك..محمد بعد السلك ما اتفك كان محتاج جلسات علاج طبيعي عشان يقوي عضل الرجل اكتر والضهر تمهيدا لأننا هنكلمهم لما العلاج الطبيعي يقول كويس ويقدر يمشي وكدا بدأنا بعد شهرين كدا الدنيا هديت والموضوع بدأ يتنسي نتكلم وكان الوحيد اللي بيرد علينا الباش مهندس محمد سراج الدين وأنا زي ما وعدت هدي لكل حد حقه الباش مهندس سراج مكنش بيسيبنا جه زار محمد كذا مره ودايما يكلمنا يتطمن علي محمد واللي عرفته مؤخراً بالصدفه أن محدش كلفه بحاجه من إدارة النادي وانه بيعمل كدا محبة لمحمد لأنه لما شافوا حبه واعتبروا اخوه الصغير وحقيقي هو من احسن وانضف الناس اللي اتعاملنا معاهم في أزمة حمصه”.
وواصل حديثه: “بعد كدا المهندس محمد سراج عضو مجلس الإدارة قدر ياخدلنا ميعاد من سيد عبدالحفيظ عشان محمد يحضر تمرينه في التتش ومحمد كان رايح التمرينه وأنا ووالدي عايزين نعرف النادي هيعملنا ايه بالظبط وبالفعل والدي قدر يقعد مع العميد مرجان بس كانت اول صدمه بالنسبالنا لما عرفنا ان النادي مش هيدفع حاجه وان وزارة الشباب والرياضة هي اللي هتتكفل احنا قلنا ماشي وقتها مكناش نعرف حاجه محمد هتتكلف كام اصلا فقلنا نشوف الموضوع دا واكيد حد من النادي هيكلم الوزاره ونشوف المبلغ”.
وأكمل: “للعلم النادي في كلامه من البدايه أنه هياخد محمد مستشفيات تبعه وهيعمله تأهيل نفسي مع متخصصين سواء تبع النادي أو بره وحلقة باش مهندس عدلي القيعي موجوده وهو بيوعد والدي بالحاجات دي وبالسفر كمان لو حالته تداعت السفر ولما الباش مهندس عدلي يقول كلام زي دا اكيد راجل ليه كلمه جوا النادي عارف هو بيقول ايه ومفيش اي حاجه من دي حصلت جالنا رد عالموضوع دا شوفو بمعرفتكو وابعتولنا فواتير وهندفعلكو اللي اتصرف حلو لحد هنا ، بدأنا نشوف ايه شركات الأطراف الموجودة والكويسه وبالفعل رحنا شركه شافوه دكاتره متخصصين وطلبو اشاعات وهنا الصدمه محمد لسه محتاج عمليتين تعديل بتر في رجليه الاتنين مبقيناش عارفين حاجة حاولنا نتأكد من كذا دكتور وأكد أنه محتاج عمليات “.
دعم الأهلي ومحمد صلاح للمشجع المصاب
وأوضح:” في اليومين دول جالنا حد من طرف المستشار ترك الشيخ بيطلب أنه يساعدنا وافقنا واحنا خايفين حد يزعل من الجمهور عشان كان المشاكل بين إدارة النادي والجمهور وترك مستمره كان الرد ان محدش هيقفل باب رزق جه لمحمد واللي حابب يساعد متقولوش لحد لا ودا كان كلام الباش مهندس محمد سراج الدين لينا لخوفه علي مصلحة حمصه مش اكتر وعشان محدش يفهم البوست القديم غلط ويتقال ان فيي علاقه بين الباش مهندس محمد سراج وترك الشيخ في الكلام كلامه كان بيوضح اي شخص حابب يعمل مساعده لحمصه مش ترك الشيخ بعينه لأن اكتر حد من إدارة النادي خاف ووقف وسعي جاهداً عشان محمد يقوم كان باش مهندس سراج”.
بسم الله الرحمن الرحيماسف هطول عليكو واتمني تقرو الكلام للآخر من فضلكو. اسمحولي اتكلم بخصوص حمصه بصفتي اخوه لأن كل…
Gepostet von Met Wally am Samstag, 16. Mai 2020
وأتم :”وافقنا علي دعم المستشار ترك ال الشيخ وبعت مبلغ 50 الف دولار حوالي ٧٠٠ الف مصري أو أيامها ٦٠٠ وكسور لأن البنك حجزهم واتعلقو فتره مش قليله حوالي شهر البنك مرضاش يدينا الفلوس غير بعد موافقات من ٤جهات وزارة التضامن والتكافل والضرائب وأمن الدولة والبنك المركزي للمحاسبات وبعد ما اتأكدو ان حالة محمد تقبل التبرع وجبنا موافقات البنك طبعا مخدناش ٥٠الف دولار كاملين خصم منهم مبلغ ومش فاكر كام الحقيقة لأننا اخدناهم مصري مش دولار “.
وكشف: “أخدنا الفلوس عملنا العمليات وبعد كدا محمد تعب جدا نفسيا وجسديا مش من رجله بس مكنش فيه حته في جسمه سليمه طبعا طول الوقت في مستشفيات ودكاتره نفسيين ومصحات وعلاج محمد بيكون غالي لانه حاله خاصه انتو فاهمين طبعا ليه واضطرينا نستقر في القاهره فتره في شقه ايجار وطبعا كل يوم مستشفيات ولو خرج واتكتبله خروج من المستشفي بالليل يصحي الصبح تعبان يروح تاني ويرجع يتعب في نفس اليوم ونرجع المستشفي طوال شهر كامل في الوضع دا اكتشفنا انه عنده حاله نفسيه بيسموها في الطب الهلع دايما ضربات قلب سريعه ورعشه وخوف من اقل حاجه ويصحي من النوم مفجوع واكتئاب حاد جدا”.
واسترسل :”الحمدلله بعد كدا حالته بدأت تستقر الحمد لله جرحه بيخف كويس فاضل الجزء الأهم الاطراف تواصلنا مع كذا شركه والاسعار كالتالي شركه قالت ٢مليون ونص وشركه قالت ٢مليون والشركه الاخيره اللي اختارنا نتعاقد معاهم قالت مليون و٨٠٠ الف جنيه أنا قلت في البدايه فلوس ترك كانت ٧٠٠ الف اتصرف ٤٠٠ منهم علاج ومستشفيات وعمليات وشيلنا ٣٠٠ معانا لحد ما الناس قالولنا لازم تدفعو عشان نبدأ الشغل مع محمد عشان يعمل جلساته ويتعمله طرف مبدأي يقدر يدوس ويحرك رجليه بيه عشان ميحصلوش ضمور في العضلات وبالفعل دفعنا ال٣٠٠ كلمنا دكتور عبد المنعم اللي تبع المستشار ترك ال الشيخ عشان باقي الفلوس اول م يعرف أننا تبع حمصه بيعملنا بلوك بس ارجع واقول الفضل بعد ربنا وان محمد حالته تتحسن كدا بسبب الفلوس اللي ترك بعتها لأن من غيرها ولا حد كان يحس بينا ومكناش قدرنا نعالج محمد من أصله والله اعلم كنا هنبقي فين دلوقت”.
وأضاف: “نرجع لإدارة الاهلي اللي لسه عند وعودها وخصوصا مع الباش مهندس محمد جمال الجارحي نكلم السكرتيره بتاعت مكتبه مبتردش علينا حاولت اكتر من مش عارف اقول رقم من كتر ما اتصلت بيها مردتش عليا غير لما كلمت باش مهندس محمد سراج الدين وقالي أنا هكلمه واخليه يكلمك ومديرة مكتب استاذ جارحي طلبت مني ابعت ورق محمد بعرض السعر وتكاليف العلاج والطرف وبعتلها الورق دا اكتر من مره ومردتش عليا ويوم ما ردت قالتلي معلش محمد بيه مسافر ومش هييجي غير بعد أسبوع يوميها كان في مباراة للنادي الاهلي وان لم تخني الذاكره تقريباً كان ماتش الإتحاد لاقيته في المدرجات”. وواصل :”، قلنا نروح النادي قعدت مع محمد مرجان وبالمناسبة من الناس المحترمه اللي عاملونا باحترام واستقبلنا اكتر من مره في مكتبه وكان وفهمني ان النادي مش هيدفع من خزينته لانه مش ملكه جمعيه عموميه والقصه دي وقالي روح الوزارة كابتن الخطيب متفق مع الوزير اشرف صبحي يطلع المبلغ كله أنا استغربت طبعا مبلغ مليون و٨٠٠ الف اكيد الوزاره مش هتطلعه وبالفعل مطلعش المبلغ دا وقعدت مع العميد مرجان تاني وقالي ملكش دعوه احنا هنتصرف بس نشوف مبلغ الوزارة”.
وأكمل: “بعديها بفتره لاقيت حد من طرف الاستاذ الجارحي بيكلمني وبيقولي أنا بكلمك بخصوص أطراف محمد اخوك وانت متحددلك مبلغ من ٢٤ الف ل٦٠ الف جنيه قلتله يافندم لو الرقم دا انا مش محتاج دعم ولا هحتاج اتكلم مع حضرتك محمد شاب لسه ١٨ سنه عضمه بيكبر وجسمه ومحتاج حاجه معينه تخليه يعيش حياه اقرب للطبيعي والمبلغ المطلوب مليون و٨٠٠ الف الكلام دا من حوالي شهرين او اكتر قالي حاضر هكلمك محمد بيه وابعتلي الورق ونسأل ونشوف وبعديها قالي اه فعلا يستاهل وبعديها مكلمناش تاني ولا رد ولما يرد كل اسبوع يقول هعرض علي محمد بيه الجارحي الموضوع وبعد كدا معرفش عنه حاجه ومش بيردو علينا ..طبعا الكلام بعد كدا عرفت أنه خارج عن إدارة النادي الاهلي وان المتكفل بحالة حمصه شخص واحد المفروض انه باش مهندس محمد جمال الجارحي ياتري هو فين مننا أنا مش عارف هو اللي وعد بكل حاجه وأنه يشيل كل حاجه دلوقت وعد الحر دين يا باش مهندس جارحي ودلوقتي دا سعر اللي محمد عايزه منتظرين الوعود تتنفذ.
