بعد إصابة زوجها بالفيروس.. داليا البحيري تكشف نتيجة مسحة كورونا لها وأولادها
كشفت النجمة داليا البحيري، نتائج المسحات التي أجرتها وأبنائها والعاملون بمنزلها أمس، بعدما أعلنت إصابة زوجها رجل الأعمال حسن سامي بفيروس كورونا المستجد.
وكتبت البحيري منذ قليل على حسابها الشخصي بموقع “فيس بوك”: “أحب اطمنكوا جميعا نتيجة المسحات طلعت والف حمد وشكر ليك يارب كلها طلعت سلبية ليا وللولاد كلهم والمساعدين في البيت شكرا يارب علي كرمك …احب اطمنكوا كمان ان حسن الحمد لله كويس وبيشكركم كلكم علي الرسايل والتليفونات بجد حبكم لينا ومساندتكم لينا عندنا بالدنيا وأحلي نعمة من ربنا”.
وأضافت: “أسفة أني ساعات مش بلحق أرد علي كل مكالماتكم أو بضطر أقفل في نص المكالمة عشان دكتور بيتصل علي الناحية التانية أو معمل او صيدلية.. بجد بشكركم على جمال قلبكم واهتمامكم ودعواتكم لأبو علي حبيب الكل ربنا يقومه بالسلامة وبشكر كل اللي بعت رسالة عشان مقدر لبختنا.. أنتم جميعا فوق الراس وجوه القلب.. ربنا يحفظكم جميعا من كل شر ويحفظ عائلتكم وحبايبكم”.
داليا البحيرى تعلن إصابة زوجها بفيروس كورونا.. وظهور نتيجة الأسرة والمخالطين اليوم
وكانت داليا البحيري قد أعلنت عن إصابة زوجها بفيروس كورونا، وذلك أمس على حسابها بموقع “فيس بوك”: “أوك.. أنا حبدأ بألف حمد وشكر ليك يارب؛ لأن أنا عارفة ومتأكدة إن احنا عملنا اللي علينا وزيادة… حافظنا وقعدنا في البيت، وعقمنا وطهرنا، وشجبنا اللي نزل انطلق واتفسَّح… وأنا والحمد لله راضية جدا بقضاء ربنا- سبحانه وتعالى-… حسن جوزي وحبيبي طلع إيجابي كورونا ڤايروس…ربنا يشفيه ويعافيه يارب”.
واستكملت الفنانة: “إحنا كلنا عملنا مسحات.. أنا والأولاد، واللي بيساعدونا في البيت؛ عشان نطمن، لأننا كنا مخالطين لحسن… وبإذن الله نعرف النتيجة بكرة بليل.. وربنا يجيب العواقب سليمة يارب”.
وأكملت داليا البحيري: “أنا بقول الكلام ده ليه؟؛ عشان أي حد لازم يعمل كده، لازم يقول، وبكل وضوح؛ عشان الناس اللي كانت مخالطة ليهم يعرفوا، ويطمنوا على نفسهم.. لأن دي أمانة.. والمرض مش حاجة الواحد يخجل منها.. بشكر كل اللي اتكلم يطمن على حسن وعلينا، وآسفة إن احنا مش ملاحقين نرد؛ عشان متكركبين، وبنشوف حنعمل إيه.. دعواتكم لحسن بالشفاء العاجل، ودعواتكم لينا إننا نكون بخير، ألف شكر، وربنا يسلمكم جميعا، ويحفظكم من كل شر”.
