شيكابالا: “عواد مش هيمثل ويدعي الإصابة على نفسه عشان خاطر الكورة”
أكد محمود عبدالرازق “شيكابالا” قائد الفريق الأول لكرة القدم بنادي الزمالك، أنه قام بالاطمئنان على زميله بالفريق الأبيض محمد عواد بعد أن أعلن الأخير عن إصابته بعدوى فيروس كورونا المستجد.
وقال شيكابالا خلاص تصريحات لبرنامج “زملكاوي” المذاع عبر قناة الزمالك الفضائية: “تواصلت مع عواد واطمنت عليه، هو مظهرش عليه أي أعراض، وإعلانه عن إصابته جاء بسبب تحذير من اخطلتوا به خلال الأيام الماضية من احتمالية اصابتهم”.
وتابع: “عواد كان موجود خارج القاهرة وبعد عودته طالبته زوجته بإجراء مسحة طبية للتأكد من سلامته وبالفعل خضع للمسحة واكتشف إصابته بفيروس كورونا”.
تفاصيل إصابة محمد عواد حارس الزمالك بفيروس كورونا المستجد
وعن اتهام البعض لعواد بادعاء إصابته بالكورونا، قال قائد الزمالك: “عواد مش هيمثل ويدعي الإصابة على نفسه عشان خاطر الكورة، أنا بشجعه على صراحته وجرأته لأن فيه ناس تانية بتخاف تعلن”.
وأكمل: “بيان رفض استكمال الدوري جاء لأن مفيش ضمانات على سلامتنا، أنا ممكن أنزل ماتش أتعدي أرجع البيت أعدي أسرتي، غير ان فترة الإعداد قليلة اللاعيبة برة بتتصاب في كل ماتش”.
وشدد: “فيه ناس بتقول إشمعنى الزمالك عايز يلعب إفريقيا ومش عايز يلعب الدوري، بقوله عشان إفريقيا إسبوعين ممكن نعسكرهم عادي، بس مش هنعسكر 18 ماتش في الدوري”.
وأردف: “اتحاد الكرة بيجبر اللاعيبة دلوقتي على عمل مسحات وبعدين مسحات تانية بعد 3 أيام، من الوارد إصابتي بعد المسحة التانية، فما العمل وقتها؟ هنفضل كل 3 أيام نعمل مسحات؟”.
وفي نهاية حديثه تمنى شيكابالا السلامة للجميع خاصة أن عواد اختلط بأكثر من لاعب سواء من الزمالك أو خارج الزمالك وذلك خلال الأيام الماضية.
