الحرب بدأت.. الفنان عباس أبو الحسن يكشف حذف منشور طبيب الأسنان المتهم بالتحرش وتطورات جديدة بالقضية
واصل الفنان عباس أبو الحسن، حديثه عن الطبيب المتحرش، الذى أعلن أمس عبر صفحته على الفيس بوك، هويته وتفاصيل تحرشه بالعديد من الشباب داخل عيادته الخاصة، موضحاً أن الطبيب أبلغ إدارة فيس بوك بسبب منشوره الأخير، مما تسبب في حذفه.
وقال عباس أبو الحسن: “المتحرش الجنسي المتسلسل اشتكي للفيس بوك فشالوا البوست، لكن اللي مش هيعرف يشيله هو عشرات وعشرات الرسايل اللي جاتلي على الانبوكس بشهادات من أشخاص أوقعهم حظهم العسر في طريق هذا المجرم وشجعهم مبادرتي على فهم خطورة وجوده حرا طليقا يمارس جرمه مع الأبرياء وتضامنوا في الدعوي القضائية”.
وتابع أبو الحسن:”واللي مش هايعرف يشيله هو 2000 شير للبوست أنا أخذت سكرين شوط من مئات التعليقات اللي أكدوا ده بوقائع محددة خاصة الأطباء تحت التمرين، واللي مش هايعرف يشيله هو 5000 صديق ومتابع تم تحذيرهم منه، اللي مش هايعرف يشيله هو إنه اتفضح من وسع اضرب 5000 متابع و2000 شير والرعب والمهانة التي لحقت به”.
وأكمل أبو الحسن: “واللي مش هايعرف يشيله هي القضية الجنائية وشهادة الشهود ودعوي شطبه من النقابة، واللي مش هايعرف يشيله هو جرايد مصر اللي نشرت البوست حرفيا، أنا مقولتش حاجة غالبيتكم جاهلين بيها، معظمك علي يقين تام بجرائمه، لأن اللي هيمارس ده 35 سنةً مش محتاج مني التشهير به، أنا فقط قررت أن أقوم بما تراخي وعجز عنه المئات لأسباب شرحتها في البوست المحذوف وكنت علي دراية كاملة بخطورة ما أقدمت عليه، وأني دخلت عش الدبابير أنا مش راجل متهور لأ ده أنا راسي وعاقل جدا! ومفكر كويس قوي ومدرك بحظ رجلي فين!”.
الفنان عباس أبو الحسن يكشف مفاجأة بشأن تحرش طبيب أسنان مشهور بمئات المرضي (صور)
وأوضح أبو الحسن:”سأحارب هذة المعركة بكل قوتي ودعم الناس بقناعة تامة وايمان كامل أن ما يفرضه علي ضميري وانسانيتي هو أثمن وأكثر أهمية من كل ما سأواجهه في معركة طويلة في في ظل مجتمع يستسهل دفن رأسه في الرمال وقوانين غير حاسمة ببساطة انا فنان اتمتع بشهرة كافية و شخصية عامة وعندي قرابة المليون متابع علي منصات التواصل الاجتماعي فلن اكسب شيئا من التشهير بطبيب أسنان محدود الشهرة كما أن متابعيني علي مدي عشر سنوات من التفاعل الدائم مع قضايا المجتمع يعرفون تماما مصداقيتي وتاريخي كله موجود”.
وأردف أبو الحسن:”البهوات القليلين اللي أسهل حاجة يقولوها طب فين الدليل؟ حاضر، المرة الجاية وهو جاي يمسك عضو طفل أو مريض عنده هانبه عليه أنه يقوله معلش ممكن لحظة أصورك وانت بتعمل كد ، الموضوع دة في الأماكن العامة وبيحصل خطف وبياخد ثوان وبيتم بخطة مع الاعتياد والممارسة بقت متقنه، قضايا التحرش تعتمد في المقام الأول علي عدد وكم شهادة الضحايا والشهود، والقرائن عندما تتكاتل تحل محل دليل الإدانة ودة مبدأ قانوني”.
واختتم:”أنا لا أعامل إلا ضميري ومبادئ ولا يحركني غير كدة، دة اختيار مش كل الناس تقدر تعمله او ظروفها تتيح لها دة! لكن كل العاقلين يقدروا يتفهموا ده، فكروا في اولادكم والأجيال القادمة وأسئلوا نفسكم إحنا بنعملهم أيه عشان نسيب الدنيا لهم بشكل أفضل السكوت تواطئ أنا بطلب من كل حر وذو كرامة ان يحث اللي حصل معاها كدة انه يبعتلي وشكرا الحرب ابتدت يا أبو ناب زفر!”.
“فين عذريتي”.. فتاة تروي تعرضها للاغتصاب على يد أخوالها بعمر 6 سنوات وتحرش زوج أمها بها (صور وفيديو)
