مرتضى منصور: “أنت فاضي يا محمود يا خطيب؟.. أنت عايز تولع الدنيا”
واصل مرتضى منصور رئيس نادي الزمالك، هجومه على من يدعى باسم “أبوسنيدة” ضابط المخابرات القطري، حسب تأكيده.
وقال مرتضى منصور عبر قناة نادي الزمالك: “أبوسنيدة عايز يشتريني، روح اشتري وائل جمعة ولا أبو تريكة العميل الإهاربي اللي كان بيمول رابعة”.
وتابع: “أنا مليارات الدنيا لو اتعرضت عليا مش هبيع، أنا مصري وطني أتربيت على الشبع، وجزمتي أشرف من رئيس بلدك”.
وأردف: “أنا لو رضيت أبيع هيبقى معايا فلوس أشتري ميسي”.
وأضاف: “فيه ناس الشيطان لعب في دماغهم بساعة، وعلى جماهير الزمالك الفخر برئيسها”.
وأكمل: “محمود الخطيب بيقدم النهاردة بلاغ تاني ليه؟ أنت كدة بتأكد أنك المتسبب الرئيسي في الفيديو المتفبرك”.
وشدد: “أنت فاضي يا محمود يا خطيب؟ عندك وقت فراغ؟ أنت بتولع البلد، فين الوزير، أومال لما يرجع النشاط هتعمل إيه يا محمود، الدنيا واقفة ولا ماتشات ولا صفقات وأنت عايز تولع الدنيا”.