تامر حسين بعد طرح “يا بلدنا يا حلوة”: كنت أتمنى أقول كل مكان في مصر
أعرب الشاعر الغنائي تامر حسين، عن سعادته بردود أفعال الجمهور التي تلقاها في الساعات القليلة الماضية، عقب طرح أغنية الهضبة عمرو دياب “يا بلدنا يا حلوة”، مؤكدًا أنه كان يتمنى ذكر جميع محافظات مصر في العمل.
وكتب حسين على صفحته الشخصية بـ”فيس بوك”: “الحمد لله على ردود أفعال (الناس الحلوة) في كل مكان في بلدنا الجميلة بناسها الطيبة البسيطة من شرقها لغربها لشمالها لجنوبها كنت أتمنى أقول مكان وكل شبر في البلد والله عشان العالم كله يشوف جمال مصر وناسها”.
وتابع: “حاولنا على قد ماقدر تجميع أبرز الأماكن أو المحافظات المترابطه القريبه لبعض اللي تمُثل قطاع أكبر من الناس سواء فى وجه قبلى أو بحرى كلهم أماكن عظيمة نتشرف بيهم، بس دي (أغنيتنا كلنا) ودعاية محترمة لبلدنا العظيمة بعد الكورونا وكل الظروف اللي بتمر بيها بلدنا الغالية”.
واستكمل: “كل فنان قام بدوره على أكمل وجه عشان يقدم مصر وناسها الطيبين في أجمل صورة، مصر اللي مفيهاش عنصرية فيها البيض زي السُمر والمسلم أخو المسيحي وكل المشاهد الإنسانية والروحانية اللي بنشوفها في بلدنا، مع الناس الأصيله من كل فئات المجتمع المصري وحاولنا نجسد الروح الحلوة اللي ف شوارعنا وأحياءنا وبيوتنا والأماكن المصرية الأصيلة وعاداتها وجمالها”.
وأضاف: “وكان عندى أمنية أن الفنان عمرو دياب يغني جمُلة للعيد تعيش، طول العمر لأجيال وأجيال ودايمًا في بلدنا العيد عيدين، ودايما ً مصر حلوة بناسها وأهلها الطيبين، كل سنة وأنتم طيبين وبخير وعيد سعيد عليكم وعلى حبايبكم، وكل سنة ومصر حلوة بيكم ونخليها في أجمل صورة بشبابها وأولادها المُخلصين والمتميزين في كل المجالات، ومستني فيديوهاتكوا من أقرب مكان حلو قريب منك، عشان نوري العالم جمال بلدنا ونبقى إحنا أكبر دعاية ليها”.
يذكر أن الفنان عمرو دياب، قد طرح أغنية وطنية جديدة بعنوان “يا بلدنا يا حلوة”، صباح اليوم الخميس، وهي من كلمات الشاعر تامر حسين، وتوزيع طارق مدكور، وألحان عزيز الشافعي، وإخراج طارق العريان، ومنتج منفذ موسى عيسى.
تامر حسين يكشف “كوبليه” من أغنية الهضبة الجديدة “بلدنا ياحلوة” (صورة)
منتج “بلدنا يا حلوة” لعمرو دياب يكشف موعد طرحها
