حسن يوسف: “مهرجان الجونة السينمائي شيء طيب ويشرف مصر” (فيديو)
حرص الفنان حسن يوسف، على توجيه رسالة شكر لرجل الأعمال نجيب ساويرس، على تأسيسه لمهرجان الجونة السينمائي، التي انطلقت فعاليات دورته الرابعة يوم الجمعة الماضية ومستمرة حتى 31 أكتوبر الجاري.
وقال يوسف خلال مداخلة هاتفية مع برنامج “حضرة المواطن” الذي يقدمه الإعلامي سيد علي: “أنا عايز أشكر نجيب ساويرس على مهرجان الجونة، أي كان يدعو من يشاء ومن لا يشاء، ولكن هو مهرجان يقول للعالم العربي، أن هناك سينما مصرية وفن مصر عالمي، يستطيع أن يقيم مهرجان عالمي زي الجونة، ولكنه شيء طيب ويشرف مصر”.
وتابع: “بشرى كلمت ابني عمر وقالت له معلش إحنا اتأخرنا في الدعوة وعاوزين والدك يجي بس معندناش غير غرفة ليكم أنتم الاتنين، قالها مينفعش الكلام ده على الأقل بابا ياخد سويت من اللي بتدوه للنجوم الأجانب والكبار، قالت له معلش يا عمر الدنيا اتأخرت، قالها أنا آسف بعتذر بالنيابة عن والدي مقدرش أبلغه الكلام ده، ولما بلغني قولت له برافو عليك إنك عملت كده”.