رنا سماحة عن خطيبها: “جالي وقت ما فكرة الارتباط كانت بند ملغي من حياتي”
وجهت الفنانة رنا سماحة رسالة لخطيبها الملحن سامر أبو طالب، بعد خطبتهما التي عقدت منذ أيام، وشكرته على وجوده بحياتها ووقوفه الدائم بجانبها.
ونشرت رنا سماحة صورة جمعتهكا سويا، على موقع التواصل الاجتماعي “فيس بوك”، وقالت: “ال post ده مش للنحنه خالص، هسميه وأما بنعمة ربك فحدث، لأني بحس دايما إني مش مديه الراجل ده حقه، اللي عارفني كويس عارف قد ايه فكره الجواز أو الارتباط عموما، كانت فكرة معقدة بالنسبة لي، وخصوصا إني كنت بشوف دايما إننا ف زمن، البنت فيه هي الراجل اللي يقدر يكون سند ويقدر يتحمل مسؤولية، من غير ما ييجي راجل يتحكم فيها من أجل التحكم فقط من غير أي هدف”.
وأضافت: “وكانت فترة الارتباط بالنسبة لي هي فترة الضغوط والمشاكل والعقبات اللي مالهاش آخر، ومع ذلك كنت بدي اللي ف قلبي من جوايا من غير تفكير، الراجل ده جالي ف وقت كنت فاقدة إحساس الأمان والثقة ف كل حاجة”.
وتابعت: ”كنت واخدة قرار إني هعيش لأهلي وشغلي ولنفسي فقط، كانت فكرة الارتباط بالنسبة لي بند ملغي من حياتي ومش هرجعله، جالي طبطب عليا واحتواني وداواني من كل جرح سندني وأنا طول عمري شايفه إني سند نفسي، فرحني وطمني وعرفني يعني ايه أمان، واكتشفت أن كل اللي فات من حياتي مكانش اصلا موجود، عرفني يعني ايه حب، رجعلي ثقتي ف الدنيا والحياة”.
واختتمت حديثها موجهة الشكر لخطيبها وقالت: ”شكرا يا حبيبي أنك موجود ف حياتي، شكرا إنك راجل بكل ما تحمل الكلمة من معنى، بحبك وربنا يحفظك ليا ويكمل فرحتنا على خير، سامحوني على الإطالة”.
رنا سماحة تحتفل بخطوبتها من الملحن سامر أبو طالب (صور)
