الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أحمد فلوكس يوضح للجمهور كيف أثر السحر فيه: “كنت معمي البصيرة والإحساس” (صورة)

القاهرة 24
فن
السبت 31/أكتوبر/2020 - 05:01 م

نشر الفنان أحمد فلوكس، صورتين له، في فترات مختلفة من حياته بحد وصفه، في أحد الصور كانت حياته تسير بوتيرة سيئة، وفي الأخرى كانت بعد تعديل في مجرى حياته.

وطرح فلوكس الصورتين عبر حسابه بـ”انستجرام”، وعلق عليها قائلًا: “الصورتين دول مابيفرقوش عيني ولا عقلي.. الصورة اللي ببدلة دي كانت في أسوء فترة في حياتي، رغم أني كنت ناجح وشركاتي بتنجح وبتتحرك وبشتغل، وكنت بستغرب أنا شكلي بيعجّز ليه”.

وتابع فلوكس: “وليه عامل كده وليه الأبيض بقى كتير في دقني، وليه مش سعيد، وليه مش مظبوط، وتساؤلات كتير رغم أني كل شويه كنت بسافر أعمل عمره لكن شكلي وحياتي ونفسيتي وتصرفاتي بتسوء لأسوء”

وأضاف: “فترة غريبة جدًا في كل حاجة، دي فترة اللي اكتشفت فيها حاجات كتير وحصل بعديها واقعة الأمن، دي الفترة اللي السحر والأعمال والدمار وشرور البشر والخيانة والغدر والتوهان ومش شايف حاجة”.

واستكمل فلوكس: “وكل ما هو سئ بيدمروا فيا وفي صحتي وفي حياتي وأنا مش فاهم حاجة.. معمي البصيرة والإحساس.. عجوز من الداخل، مربوط في حزن بلا سبب رغم نجاحي، مش عاوز أمثل مش عاوز حاجة ولا فاهم حاجة”.

أحمد فلوكس عبر انستجرام
أحمد فلوكس عبر انستجرام

وأردف: “وكل شوية مستشفى وكل شوية تعب والدكاترة مش لاقيه سبب طبي صريح.. والصوره التانية دي بعد ما ربنا عافاني وأكرمني بالشفاء والبصيرة والراحة”

وقال فلوكس: “عافاني من أسواء أنواع البشر.. عافاني من السحر والأعمال وأعطاني البصيرة لأرى من حولي جيدًا، وأرى قوة وعظمة ربنا في معطياته لينا، ورحمة الله الواسعة”.

أحمد فلوكس يكشف تفاصيل إيذائه بالسحر.. ويؤكد: “واقعة فرد الأمن مدبرة”

وتالع فلوكس حديثه: “قربوا من ربنا و أعلموا جيدًا أن لن يمسكم سوء وستنور بصيرتكم.. نصيحة اختاروا الناس اللي تبقى في حياتكم كويس.. وابعدوا عن كل شخص مؤذي و كريه، وماتتخدعوش بالمظاهر والكلام وقربوا قوي من ربنا”.

واختتم فلوكس قائلًا: “يارب أبعد كل أذى عن بيتي وأهلي وابني و عبادك يا رب.. وأعطيني القوى لأحمي أهل بيتي وأبني الصغير من الأذى.. ودمر كل من يحاول أذيتهم”.

تأجيل دعوى ضد الفنان أحمد فلوكس تطالبه بتعويض 10 ملايين جينه

تابع مواقعنا