زوجة ضابط شرطة تتهم أهل صديقتها بالاعتداء عليها وزوجها أثناء زيارتها بالشرقية (فيديو)
تملّك قلبها الحسرة ونفسها الاكتئاب، وبات الأمر بالنسبة لها كالوسواس، سؤال واحد يكرره عقلها بين الحين والآخر متى يعود زوجي إلى العمل.
قالت علياء الحسيني، زوجة ضابط شرطة بمركز شرطة أبو حماد الشرقية: “كنت رايحة أبات عند واحدة صاحبتي اتفاجئت بصوتها وهي عمالة تصوت في البلكونة وتنادي على جوزها، قعدت أسألها في إيه، لقيت جوزها وأهله ماسكين في خناق بعض واتضح لي إن فيه مشاكل ما بينهم وعايزين يخرجوه من البيت”.
وتابعت الحسيني أثناء حديثها لـ”القاهرة 24″: “أنا اتخدت في الرجلين وتم التعدي عليا بالسب والقذف، والناس طلعوا ليا أنا وصاحبتي يضربونا، استنجدت بجوزي يجي يلحقني ويخرجني من هناك وجوز صاحبتي فضل يقولي كلِّميه ينقذك أنا وأهلي هنحل مشاكلنا مع بعض، جوزي قعد من الساعة 9 لحد 10 بيكلم حد من صحابه اللي في الشرطة علشان يبعتوا أي حد ويحلوا الموضوع بشكل ودي، وجه المخبر بتاع البلد بس معرفش يعمل حاجة ولا يخرجني بسبب تجمهر الأهالي مع إني شخص بالنسبالهم معروف وليس مبهم ولا يثير أي شكوك، وعارفين أهلي وأبويا وأمي وعارفين أنا مين، جوزي كلم النجدة الساعة 11، ولحد الساعة 2 محدش اتحرك والموضوع بيسوء أكتر”.
النيابة تفتح تحقيقًا في واقعة اعتداء زوج على زوجته بالبلكونة في حلوان
واستطردت الحسيني “جوزي جه الساعة 2 علشان ياخدني وقالهم شكرا يا جماعة طالما مكنتوش عايزين ضيوف عندكم مكنتوش استقبلتوها ولا بهدلتوها البهدلة دي، ولكن تم احتجازي أنا وجوزي والتعدي علينا بالسب والقذف، والشرطة جت بعد 20 دقيقة وروحنا مركز شرطة الزقازيق وهناك اتفاجئت بعد ما كنت أنا المجني عليها اللي تم الاعتداء عليها بقيت طرف الموضوع، والأهل قالولي لو متنازلتيش عن المحضر هنعمل محضر بإنك انتي وجوزك اتعديتوا علينا.. طب ازاي اتنين هيتعدوا على بلد كاملة، قولت هعمل مذكرة صلح بعد ضغط من الأهالي علشان جوزي مش يتأذي في شغله”.
واختتمت الزوجة: بعد التصالح تم التشهير بيا وبزوجي، وتصوير فيدوهات لنا والتحدث علينا بشكل غير لائق.
