الثلاثاء ١٩ يناير ٢٠٢١

رئيس التحرير
محمود المملوك

فن

دارين حلمي خطيبة تامر عاشور السابقة تفجر مفاجأة: “اتقدم لأهلي على أساس إنه مُطلق”

تامر عاشور ودارين حلمي

علقت دارين حلمي ملكة جمال الكون للسياحة والثقافة الدولية لمصر لعام 2019، وخطيبة الفنان تامر عاشور السابقة، على الشائعات التي نالتها الفترة الأخيرة، واتهامها بالارتباط من شخص متزوج، وأخذها لقب الزوجة الثانية.

وأصدرت حلمي بيانًا توضيحيًا على حسابها الشخصي بـ”انستجرام”، قائلة: “بسم الله الرحمن الرحيم
يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا، أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ
صدق الله العظيم”.


وتابعت: “نظرًا لااتهامات وإشاعات اتوجهت لي الفترة اللي فاتت وبدون وجه حق فكان لازم أخرج عن صمتي وأوضح موقفي لإن مش دارين اللي تاخد راجل متجوز أو تكون سبب في خراب بيت حد، وبالتالي مليش ذنب في أي حاجه”.

واستكملت: “تامر دخل البيت من بابه و اتقدم لأهلي رسمي على أساس أنه مُطلق وده اللي أنا كنت فاهماه زي زي جمهوره، عادي أن بنت ترتبط براجل مُطلق مش أزمة _ وحصلت الخطوبة بشكل رسمي زي ما عرفتوا ومشيت الأمور في مجراها الطبيعي لحد ما بالصدفة اكتشفت أنه لسة زوجته على ذمته وفيه قضايا بينهم ولم يتم الانفصال بشكل رسمي”.


وأضافت: “أي بنت في الموقف ده طبعًا لازم تنسحب مهما كان الحب و مهما كانت العواطف لأن مش دارين حلمي اللي تاخد راجل من زوجته مهما كان هو مين (كده كده أنا كنت مستمرة في مسابقات ملكات الجمال و ليا الكاريير الخاص بيا) فكل مرة بقرر الانسحاب كان تامر بيرفض وإن كده كده الطلاق قائم سواء أنا في حياته أو لأ وده مش يخصني في شييء”.

دارين حلمي على انستجرام
دارين حلمي على انستجرام

وقالت: “وفي الآخر أنا صممت على فسخ الخطوبة بمنتهى الاحترام ما بيني وبينه لأنه مينفعش، وكل التوفيق، والنصيب بإيد الله ربنا يوفقه في حياته ويوفقني في خطواتي الجاية إن شاء الله، تامر إنسان محترم مشفتش منه غير كل خير وإحترام وحب و أنا بحترمه على المستوى الفني والشخصي لكن ده نصيب وربنا يوفقه في حياته وأتمنى محدش يتكلم في حاجه ميعرفش تفاصيلها وشكرا لكل الناس اللي بتحبني وعرفاني كويس، أظن أنا جاوبت على كل حاجة ومش هفتح الموضوع ده تاني نهائي أرجو احترام موقفي”.

“نفس البجاحة”.. زوجة تامر عاشور تشبّه علاقتهما بحكاية “ربع قيراط”

وسوم ارتباط تامر عاشور تامر عاشور

مواضيع متعلقة

عاجل "الإفتاء": زواج التجربة تم استخدامه لتحقيق شهرة زائفة ودعاية رخيصة