شهيرة: شريف عرفة طلب محمود ياسين في “الجزيرة 2” لكنه اعتذر

كشفت الفنانة المعتزلة شهيرة، طلب المخرج شريف عرفة مشاركة الفنان الراحل محمود ياسين بالجزء الثاني من فيلم “الجزيرة 2″، خلال لقائها مع الإعلامي عمرو الليثي ببرنامجه “واحد من الناس”.

وقالت: “هقولك سر، طلبه شريف عرفة في الجزيرة 2، وكان بيقنعه إنه يظهر في الجزء التاني على إنه الولد بيشوف أبوه في اليقظة، وهو بينصحه ويوجهه، ولكن محمود ياسين أقنع شريف عرفة بقبول اعتذاره”.

وأردرفت: “وأنا في الحقيقة زعلت جدًا منه، وقولتله دا انت بتقول عليه مخرج عظيم، وكنت هتطلع بردو فيها رائع، ولومته على اعتذاره، وقالي لا هي مرة واحدة بس”.

وعن الأعمال التي جمعتها بمحمود ياسين، أضافت: “تقريبًا كأننا معملناش حاجة، هما 4 أو 5 أعمال بس، من أكتر من الـ180 فيلم، هو مش مسألة ضايقني، هو مسألة إنه في زمن محمود ياسين، كان هو أهم حاجة إنه يوافق ويقبل الدور، وكانوا وقتها بيعملوا 40 فيلم في السنة وكمّ إنتاج فيلم كبير، وكانوا الأربعين فيلم دول يجوا عندي في البيت الأول، ويختار، وكأني مش موجودة، ومبيختارنيش، وقولتله على فكره أنا خريجة معهد تمثيل على فكره مش جاية من النادي، وهنا بعرف الإنسان الحيي الخجول”.

واختتمت حديثها بشأن ذلك الموضوع: “واللي كان يغيظني، إنه لما يقرأ سيناريو ويعجبه دور ويقولي أما دا حتة دور مش هيليق عليه غيرك، وميرضاش يرشحني، وهو كان خجول أوي من الموضوع دا، وكان يقول هي أحق مني في التمثيل أنا خريج حقوق وهي معهد سينما”.

شهيرة: محمود ياسين ختم القرآن الكريم أكثر من 50 مرة

شهيرة باكيةً: “مفيش حد هيحرس بوابة دنيتي بعد محمود ياسين”