الخميس ٢٨ يناير ٢٠٢١

رئيس التحرير
محمود المملوك

فن

وليد فواز لـ”محمد رمضان”: الاعتذار من شيم الرجال

وليد فواز لـ”محمد رمضان”: الاعتذار من شيم الرجال

وجه الفنان وليد فواز، بعض النصائح للفنان محمد رمضان، تزامنًا مع الهجوم عليه واتهامه بالتطبيع، عقب ظهوره مع مشاهير إسرائيليين في حفل خاص بدبي.

ونشر فواز صورة قديمة لمحمد رمضان من كواليس تصوير فيلم “إحكي يا شهر زاد” الذي جمعهما، وذلك على حسابه الشخصي بـ”انستجرام”، وعلق قائلًا: “محمد إزيك فعلا واحشني.. محمد رمضان الطموح الموهوب اللي قابلته في بداية الطريق”.

وتابع: “محمد اللي لما عمل إحكي يا شهرزاد قابلني في موقف الإسعاف وقالي فواز أنا نازل أشوف صورتي على الأفيش (إحنا هنبقي نجوم جامدين يا له) بس انت الأجمد دلوقتي.. واحشني محمد اللي كان بييجي يتفرج عليا في مسرح الشباب ويبدد بحماسه وطاقته التي لا تنضب بالأمل أي شعور بالإحباط عند أي حد بيشوف”.

واستكمل: “محمد اللي واحشني هو محمد اللي في الصورة دي.. أنا حابب أحط الصورة دي أكتر من أي صورة تانية ليك دلوقتي.. لو الناس كلها قالت إنك اتغيرت ميخصنيش.. لإني عارف إنت مين وقد إيه كنت جدع معايا.. محمد اللي انت وصلتله ولسة هتوصله كمان فعلا تستاهله لاأنك مميز وقبولك رباني”.

وليد فواز على انستجرام
وليد فواز على انستجرام

وأضاف: “بس اسمح لي يا صاحبي العنيد وإللي أعرف عنه من زمان إن دماغه أنشف من الحجر.. ولا يسمع إلا عقله فقط.. أطلب منك أن تعيد النظر في إللي بيحصل عشان خاطر جمهورك الحقيقي “الناس البسيطة” والتي نصبتك ملكا متوجا على قلوبهم”.

وقال: “الناس اللي شافت فيك الأمل، بص من منظارهم للحكاية.. بعيدا عن أي “مزايدات” فيه خطأ حصل وإللي حصل حصل وخلاص وانت كبير وناضج وأب ورب أسرة وعارف إيه الصح وإيه الغلط.. لكن يا صاحبي الاعتذار من شيم الرجال ولا يقلل منك أبدًا.. فكر يا محمد عشان خاطر جمهورك الكبير وموهبتك، محبش أشوف واحد بحبه بجد يدفع تمن فاتورة كبيرة قوي هي أصلا مش بتاعته.. محمد أنت ذكي جدا وهتعرف تقعد مع نفسك وتحط إيدك على الصح، ربنا يعديك من المحنة دي على خير”.
رفيق الرحلة “فواز”.

 

وسوم اتهام محمد رمضان التطبيع مع إسرائيل محمد رمضان وليد فواز

مواضيع متعلقة

عاجل "الصحة": تسجيل 632 حالة إيجابية جديدة بفيروس كورونا ..و48 وفاة