محمود سعد لمحمد رمضان: “عايز حدودك تبقى صعيدية ولا إسرائيلية؟” (فيديو)
علق الإعلامي محمود سعد، على الجدل المثار حول أزمة الفنان محمد رمضان، باتهامه بالتطبيع مع الكيان الصهيوني، أثناء تواجده في حفل بدبي، بجاني استماعه في الحفل للأغنية العبرية الشهيرة “هافا ناجيلا”.
ونشر محمود سعد مقطع فيديو عبر حسابه الشخصي بموقع التواصل الاجتماعي “فيس بوك”، وقال “صحيت الصبح لاقيت حكاية محمد رمضان، هو نجم وفي ناس بتحبه أوي، وفي ناس بتروح ليه عروض أفلام وعليه تحفظات كتير، بس لا شك أن بيعمل أعمال تبسط الناس”.
وتابع: “أحب أقول لمحمد رمضان إذا كان عنده وقت يسمع أصل الحكاية لأن للأسف كتب في صفحته بيقول أن كلنا واحد ولكم دينكم وليا ديني، ومش يعرف مين دول، طبعا لأ ده حفل ومعروف مين اللي موجود ومين اللي بيغني كمان في الحفل، لا براحة يا محمد”.
وأضاف: “أنا بقول لمحمد ولكل حد عنده، الفكر ده يمكن بعيب على محمد رمضا،ن أن مش فاهم أصل القضية، ولسه هو شاب، لا شاف حروب ولا بحر البقر، ولا شاف حاجة، فيمكن عنده غلط في المعلومات، إحنا مش عندنا مشكلة مع اليهودي وأي حد عنده مشكلة مع الأديان الآخرى، يبقى هو نفسه عنده مشكلة اتربي بطريقة غلط إحنا معترفين بكل الأديان”.
وأردف:” يا رمضان إحنا عندنا مشكلة مع الكيان نفسه اللي استولى على أرضنا وطرد أهلها، هتقولى فلسطين وإحنا مالنا هقولك لأ لينا دعوة عايز يبقى حدودك صعيدية ولا إسرائيلية أنت تقبل حد يستولي على بيتك”.
تحديد جلسة لمحاكمة محمد رمضان بعد نشر صور مع ممثل إسرائيلي
