الثلاثاء ١٩ يناير ٢٠٢١

رئيس التحرير
محمود المملوك

فن

منى فاروق: “أنا مش قدوة لحد.. ونفسي الناس تسبني أرجع أشتغل”

منى فاروق

تحدثت الفنانة منى فاروق، عن حياتها الشخصية والعملية، في أول ظهور إعلامي لها منذ أزمة الفيديوهات المسربة، في برنامج “الترابيزة” للإعلامية أميرة بدر على “يوتيوب”.

وقالت الفنانة الشابة: “أنا طيبة لدرجة العبط”، متابعة الحديث عن أسرتها بقولها: “أبويا الله يرحمه كان مربيني إني أحكيله كل حاجة.. هو توفى 18 مارس 2016”.

وأضافت أنها كانت تفضل الحديث مع أبيها بدلا من والدتها عند وقوع مشكلة خلال فترة طفولتها، مردفة: “أمي نصي التاني بس ممكن تضربني وأنا صغيرة لما كنت أغلط، علشان كده كنت بروح لأبويا لأنه هيحل المشكلة على طول”.

وتابعت: “أنا مش عارفة أنصح البنات بإيه، أنا مش قدوة عشان أنصح، ومتصدقوش الناس مش كل الناس هتجيبلك الخير، في ناس بتبقى عايزاك تقع عشان تبص عليك”.

واستنكرت: “نفسي الناس تسبني أرجع أشتغل، نفسي أبقى حاجة، ومعنديش حد يكون مسؤول عني، كنت بقدم شغل كويس وبذاكر كويس، ومش عايزه أصعب على حد، أنا حاليًا معنديش مصدر رزق أو دخل”.

واستكملت: “أنا رجعت من دبي عشان عايزة أعيش في بلدي، ماليش غير بلدي، أنا نفسي أعيش وأموت هنا مع أبويا، حسيت بغربة وبوحدة وأنا هناك، علاقتي بالناس هناك سطحية وعرفتهم عشان الشغل، بس أنا كان حلمي هنا مصر، اللي يقولي اتحجبي وأقعدي في البيت طب أنت هتصرف عليا؟”.

منى فاروق تتساءل: “اللي بيقولي اتحجبي وأقعدي في البيت طب هتصرف عليا؟!”

وسوم أزمة منى فاروق الترابيزة منى فاروق

عاجل "الإفتاء": زواج التجربة تم استخدامه لتحقيق شهرة زائفة ودعاية رخيصة