نشوى مصطفى تهنئ إلهام شاهين بعد فوزها بجائزة “أحسن ممثلة” في القاهرة السينمائي (صورة)

حرصت الفنانة نشوى مصطفى على تهنئة صديقتها الفنانة إلهام شاهين، وذلك عقب فوزها بجائزة “أحسن ممثلة” عن فيلم “حظر تجول” في مهرجان القاهرة السينمائي بدورته الـ42.

ونشرت نشوى صورة للفنانة إلهام شاهين، عبر حسابها الشخصي بموقع تبادل الصور والفيديوهات القصيرة “انستجرام” وعلقت مهنئة: “ألف مبروك يا إلهام ألف ألف مبروك أحسن ممثلة مهرجان القاهرة السينمائي”.

وعلى جانب آخر، سبق ووجهت الفنانة نشوى مصطفى رسالة إلى الشعب المصري بعد شفائها من فيروس كورونا المستجد، وذلك من خلال مداخلة هاتفية إلى برنامج “كلمة أخيرة”، “أبوس إيديكم لو بتحبوا ربنا وبتحبوا ولادكم، اتقوا شر الألم اللي أنا حسيت بيه، حافظوا على نفسكم علشان ولادكم وأكل عيشكم كلنا على باب الله”.

وأضافت مصطفى: “كلنا على باب الله وماشيين بالأرزاق عشان أكل عيش ولادكم، مش هينفع لو إنت عامل أو صنايعي ترقد، حافظ على نفسك أرجوك بالكمامة، كمامة تمنها 3 جنيه هتحافظ عليكم وهتخليك لبيتك وأولادك”.

وتابعت: “أنا كان معايا فلوس بس مافيش مستشفى كانت عاوزة تقبلني من المستشفيات الخاصة، لكن مستشفى بلدي العامة الحكومية قبلتني أنا عندي فلوس وربنا ساترني، بس مكنتش بقدر أحط في بقي لقمة، الفلوس مش مهمة لما تبقى معاكي ومفيش مستشفى راضية تقبلك أو قادرة تاكلي حتى، الصحة يا جماعة أهم من أي حاجة في الدنيا، والنبي ماتستهونوا، كورونا دي صعبة جدًا أصعب من ألم الولادة”.

إلهام شاهين عقب فوزها بجائزة أفضل ممثلة بالقاهرة السينمائي: “تحيا مصر”

وأردفت: “أنا أهملت واتكسفت من لبس الكمامة وماتسلموش على حد بإيديكم وحافظوا على التهوية والتباعد والتغذية، كلوا برتقانة وحزمة جرجير أو جوافة وحتة جبنة قريش دي نصايح الدكتور حافظوا عليها عندنا الحاجات دي رخيصة، احموا نفسكم مع الكمامة”.

نشوى مصطفى تسأل جمهورها: “عايزة أعمل خير بنية التقرب لله” (صورة)