حمو بيكا يوجه رسالة غير مباشرة لحسن شاكوش.. تعرف على التفاصيل (صورة)

وجه مطرب المهرجانات حمو بيكا، رسالة غير مباشرة لحسن شاكوش، تزامنًا مع الخلافات التي نشبت بينهما في الفترة الأخيرة.

ونشر بيكا على حسابه الشخصي بـ"انستجرام"، صورة جديدة وعلق عليها قائلًا: "صباح العسل لكل إخواتي والناس الصفرة لأ وكلام محدوف ليك يا خروف.. انتظروا أغنية أنا بيج بوص".  

وسبق، وقال بيكا في بث مباشر على صفحته الرسمية بـ"فيس بوك": "لما تطلع تتكلم، تحدد النجاح من اللي عمله معاك، انت مابنتش نفسك بنفسك، وانت ظاهر أمام الشعب المصري إنك أناني مبتحبش غير نفسك، وحابب إن انت تصنع النجومية لنفسك وبس، فكك من اللي انت بتعمله وخليك محترم وكويس".

وأضاف: "أخونا عمر كمال لما سمع اللي اتقال قال إحنا نجحنا، لكن اللي أنا شايفه إنك كلك على بعضك غلط، حياتك غلط، دنيتك كلها ماشية غلط في غلط، عايز تحقق نجاحك انت بس، فرجني يا فهلوي يا حلو واعمل كام تراك لوحدك".

وترجع الخلافات بينهما إلى حين نشر حسن شاكوش عبر حسابه فيديو لعمرو أديب وهو يعلن أكثر 5 أغاني بحثا في 2020، وعلق عليه قائلا: "الحمد الله.. اللي أنا فيه ده بفضل ربنا وجمهوري وإخواتي وحبايبي"، وهو ما أثار غضب بيكا لعدم ذكره اسمه واسم عمر كمال كشركاء نجاح في المهرجانات التي قام بغنائها.

حسن شاكوش: “جالي دور كورونا خفيف والمسحة سلبية” (فيديو)

مصدر أمني يكشف حقيقة القبض على حمو بيكا وحسن شاكوش وإنهاء حفل المنصورية