بعد ظهوره مع عربية مرسيدس سعرها 2 مليون جنيه.. حمو بيكا: "بطلوا حقد بقى" (فيديو)
دائمًا ما يثير مطرب المهرجانات حمو بيكا الجدل على مواقع التواصل الاجتماعي، وأثاره خلال الساعات القليلة الماضية، بعد مشاركته الجمهور صورته مع سيارة مرسيدس يبلغ سعرها 2 ونصف مليون جنيه.
وظهر حمو خلال بث مباشر لمتابعيه، عبر صفحته الرسمية على "فيسبوك"، وقال: "أنا روحت زورت أبويا وحبيبي الحاج عادل جودة، دا من الناس المحترمة وبحبه، كنت قاعد معاه في المكتب واستأذنته اتصور معاه ومع العربية، ربنا يديني ويديكو ونشتريها، أنا مشتريتهاش هي في المعرض روحوا اتفرجوا عليها، بلاش الناس اللي داخلة بكمية الحقد والشتيمة دي، اتصورت عادي ونزلتها عشان بحبه، ومعييش 4 أو 5 مليون جنيه عشان اشتري عربية مرسيدس، وأنا هجيب الفلوس دي كلها منين".
وأردف: "أنا عندي العربية بتاعتي الرانج روفر وجبتها من معرض في المهندسين، وجايبها أقساط كمان، ولما أجيب المايباخ مش هخبي عليكم وهقول إني جبتها عادي، أنا مبخبيش حاجة عن حد ومفيش حاجة بتستخبها، وربنا يدينا يديكو، أنا والله ما جبت عربية مايباخ ومعييش تمنها، وربنا يكرمني ويديني وأجيبها، وأي حد بيشتم أو يتريق أنا مسامحك".
حمو بيكا بعد طرح مهرجان يجمعه بعمر كمال بالرغم من أزمتهما الأخيرة: "متسجل من فترة" (صورة)
حمو بيكا يهاجم شاكوش وكمال: "يا صحاب كلاب قلبي في خطر" (صورة)
