"محمد مهران" لمنتقدي تجربته في التأليف: "قعدت سنين أتعلم.. ولم أنتظر وأنا نايم في بيتنا"
رد الفنان محمد مهران، على منتقديه بأولى تجاربه في التأليف من خلال مسلسل "لؤلؤ"، الذي تقوم ببطولته مي عمر، ويًعرض حاليًا عبر شاشة "ON".
وكتب محمد مهران عبر حسابه الشخصي بموقع التواصل الاجتماعي "فيس بوك"،:"البوست ده أنا كتبته بعد عرض اول حلقه من مسلسل لؤلؤ اللي شاركت فيه بكتابه السيناريو والحوار والتمثيل، عبرت فى البوست عن مشاركتي وأنا بتفرج علي المشاهد اللي كتبتها وهي بتتحول لصوره مرئية".
وتابع: "كنت فرحان وسعيد جدا بأول عمل درامي أنا اكتب السيناريو والحوار الخاص بيه ، وأول شئ كان لازم اعمله إني اشكر الشخص اللي اداني الفرصه دى لأن دي الاصول..بس فيه ناس كتير شافت الكلام ده بشكل مختلف اللي فاهم إني أول مره اكتب والفرصة جاتلي وأنا نايم في بيتنا أحب أوضحله إني دي أول تجربة اكتبها تشوف النور".
البوست ده انا كتبته بعد عرض اول حلقه من مسلسل #لؤلؤ اللي شاركت فيه بكتابه السيناريو و الحوار و التمثيل و عبرت فى...
Posted by Mohamed Mahran on Tuesday, December 29, 2020
وأضاف:" لكن سبقها تجارب كتير حضرتك متعرفش عنها حاجة من كتابة أفلام قصيرة ومسرحيات منها مسرحية ( مطلوب ) اللي كانت من تأليفي وإخراجي وأخدت خمس جوائز في المهرجان القومي للمسرح 2014 من ضمنهم جائزة أفضل مخرج والمسرحية مثلت مصر في العديد من المهرجانات الدوليه في بولند, روسيا, رومانيا و فرنسا بالاضافة للعديد من المحاولات من كتابة الافلام و المسلسلات بس معرفتش اسوقها ".
واختتم "مهران": "اللي حاسس أنه قاعد سنين بيكتب وأنا جيت أخدت فرصته حاول تقتنع أن ماحدش بياخد رزق حد واسعي و إن شاء الله ربنا هيكرمك وهتلاقي اللي هيديك فرصتك، وفيه اللي شاف اني معملتش أي حاجة، حضرتك أنا من أول ما جالي المسلسل لحد اخر حلقة انا اشتغلت من 16 الي 18 ساعة بشكل يومي لحد آخر حلقة".
محمد مهران: سعيد بأول تجربة لي في التأليف.. وأنتهي من كتابة “لؤلؤ” نهاية الشهر الجاري
