شبيه عمرو دياب يروي تفاصيل لقائه الأول بالهضبة: اتصدم (فيديو)

روى الشاب حسام مصطفى، والمعروف بشبيه النجم عمرو دياب، والذي شارك في إعلانين مع الهضبة كـ"دوبلير" بديلًا له، وآخرهم إعلان "يا أنا يا لأ"، الذي بدأ عرضه على القنوات والسوشيال ميديا منذ يومين، تفاصيل لقائه الأول بالهضبة عمرو دياب خلال الإعلانات.

وقال حسام مصطفى خلال لقائه مع "القاهرة 24": "أول يوم تصوير كنا إحنا الاتنين مع بعض وهو دخل يصور المشهد الأول لوحده فعبر عن صدمته.. وأنا كنت قاعد بتفرج عليه وقمت وقفت ورا الكاميرا راح بص لي واستغرب، وفضلنا باصين لبعض مستغربين".

وأضاف حسام: "تاني مشهد كنا بنصور مع بعض لقطة الموتوسيكل في الاعلان، ولابس لبس آيس كريم في ديسمبر، وقلتله ممكن نتصور قالي يالا بينا، وأنا واقف بالبيبسي بتاع الثمانينات وهو بكانز 2020".

وعن الصداقة بينهم قال حسام مصطفى: "ده كل اللي دار بينا وكان داخل التصوير، مفيش أي حاجة برا العمل، ومحبتش نتصاحب من أول مرة، لكن بحب أسيب كل حاجة تيجي براحتها، وانا مش مستعجل، ولكن أتمنى طبعًا".