رئيس التحرير
محمود المملوك

رانيا يوسف: "أنصح الفتيات مايتجوزوش قبل سن الـ30 لأنها فكرة فاشلة"

القاهرة 24

أبدت الفنانة رانيا يوسف، رأيها في فكرة الزواج، موجهة نصيحة للفتيات بعدم الزواج قبل سن الثلاثين كي يحسنّ الاختيار فى زواجهم وحياتهم.

وقالت رانيا يوسف، خلال لقائها في برنامج "ليلة الخميس" المذاع على قناة " إم بي سي مصر": "فكرة الجواز فاشلة مبدئيا إلا لو اتنين حبوا بعض بعيوبهم ومميزاتهم وتكون العيوب قبل المميزات، وحبوا فكرة شكلهم العجوز وأنهم يكبروا مع بعض، وللأسف اللي بيحصل دلوقتي يعجبوا ببعض وأول ما تخلف وجسمها يبوظ يبدأ يتجوزعليها".

وتابعت: "أنصح البنات مايتجوزوش قبل سن الـ30 عشان يكونوا ناضجين وعارفين اختياراتهم صح في الحياة وعايزين يتجوزا ويشيلوا المسؤولية ولا لا، ويكونوا عملوا حاجة في مستقبلهم، الاختيار في سن الـ30 يكون أفضل".

وفى سياق متصل، كشفت رانيا يوسف عن رأيها في عام 2020 عام جائحة كورونا في كافة أنحاء العالم، وقالت الفنانة رانيا يوسف: "عام 2020 كان عام حلو وأكيد مفيش حاجة بتحصل وحشة يكون لها جانب مظلم فقط، وأكيد لازم يكون جانب مشرق"، مضيفة: "أنا شخصية متفائلة للغاية وأنا بحب الفرفشة والنعنشة".

رانيا يوسف: "أنا بحب الفرفشة والنعنشة".. ومجدي عبد الغني: "فساتينك بتدل على ده"

عاجل