رئيس التحرير
محمود المملوك

رانيا يوسف: "مش هتجوز تاني.. ولو حبيت هكمل بدون جواز"

القاهرة 24

قالت الفنانة رانيا يوسف، إنه سبق لها الزواج ثلاث مرات، مؤكدة أنها لا تريد خوض التجربة مرة أخرى، وذلك خلال لقائها فى برنامج "ليلة الخميس" على شاشة "إم بي سي مصر".

وأضافت: "أنا جربت الجواز مرتين بعد الثلاثين، والحقيقة ماكنتش عايزة أتجوز بس المجتمعات العربية بتجبرك.. لكن رانيا يوسف مش هتتجوز تاني.. ولو حبيت هكمل قصة حب من غير جواز.. لأن الجواز بالنسبة ليا بيت وأسرة وعيال، وأنا عندي أطفال.. ولو فيه قصة حب حلوة هتبوظ بالجواز، والضغط اللي بيعمله الجواز بيبوظ الجواز.. وبيبقى حب شكله تاني مش الحب الرومانسي، وبيكون حب عقلاني أوي أوي".

وفي سياق متصل، كشفت رانيا عن رأيها فى الزواج، وقالت: "زيجاتي السابقة ماكنتش ناجحة خالص، بس خلينا نتكلم عن مسألة نجاح الجواز.. الجواز مش ناجح خالص مبدئيا.. وفكرة الجواز مش ناجحة أساسا، إلا لو اتنين حبوا عيوب بعض قبل المميزات، وتخيلوا شكلهم وهما عواجيز، وحبوا إنهم يكبروا مع بعض.. اللي بيحصل دلوقتي إن الشباب بيتجوز صغيرين وبعدين الست تحمل وتخلف، والأمور تتغير.. أنا أنصح البنات ميتجوزوش قبل سن الثلاثين.. الواحد بيبقى أنضج وأعقل شوية، وعارف هو عايز إيه في الجواز، ويكون عمل مستقبله واسمه وفلوس، والاختيار هيفرق كتير".

رانيا يوسف: "أنا بحب الفرفشة والنعنشة".. ومجدي عبد الغني: "فساتينك بتدل على ده"