فيفي عبده: "بقالي 7 شهور مش بستقبل حد.. والحسد سبب تعبي"
تحدثت الفنانة فيفي عبده، عن الفترة التي تعرضت خلالها لوعكة صحية، والتي جعلتها تمكث في منزلها لأيام، مؤكدة أنها تتعرض للحسد بصفة دورية.
وقالت فيفي عبده، خلال "لايف" على حسابها الشخصي بموقع تبادل الصور والفيديوهات القصيرة "انستجرام": "أنا بؤمن بالحسد جدا والدليل إن كنت فى مارينا من فترة وعملت 4 رقصات وفجأة لاقيت نفسى فى السرير.. وكنت قولت لجمهورى إن هغني ليكم لايف لكن فجأة تعبت ولاقيت نفسى نايمة وده كله عين والحسد هو سبب تعبي".
وتابعت: "ناس كتير أوى طلعت عليا إشاعات، وأن أنا فى الرعايا والانعاش وبموت وسبحان الله لما ربنا يريد، وقولت أنا مش بتحرك، وبقالى 7 شهور مش بستقبل حد بسبب تعبي وكورونا وكنت مش بستقبل أى حد ولا برد ولا بقابل حد بسبب تعبي والألم الصعب كان وحش جدًا".
وسبق أن استاءت فيفي عبده من الشائعات التي تداولها رواد مواقع التواصل الاجتماعي وبعض الصُحف خلال الأيام القليلة الماضية، بعد إعلانها الدخول في وعكة صحية.
وظهرت خلال مقطع فيديو نشرته عبر حسابها الشخصي على موقع التغريدات القصيرة "تويتر"، وقالت: "في إيه أنا قولتلكو رجلي تعبانة شوية والحمد لله دلوقتي بتحسن بدعاكو، أرجوكو كفاية كدا، بجد كفاية الناس مخضوضة عليا من كل أنحاء العالم، حرام عليكو، حرام عليكو اللي بيطلع الكلام اللي ملوش لازمة".
فيفي عبده عن ارتدائها الحجاب: "لابسة كده من البرد.. مش عشان في الإنعاش زي ما بيقولوا"
