أسامة محرز بعد نجاح أغنية "ليه": "كان هدفي الناس تقول هو ده محمد فؤاد بتاع زمان" (خاص)

عبر الشاعر أسامة محرز عن سعادته الغامرة بنجاح أغنيته "ليه"، والتي تعاون فيها مع الفنان محمد فؤاد، وطرحها الأخير منذ 3 أيام، عبر قناته الرسمية بموقع "يوتيوب"، ونالت إعجاب الجمهور، والذي رآها عودة قوية لـ"فؤش"، بعد فترة غيابه.

وكشف الشاعر أسامة محرز في تصريح خاص لـ"القاهرة 24"، تفاصيل تعاونه مع محمد فؤاد في أغنية "ليه"، قائلًا: "أعرف محمد فؤاد من 2010، والملحن مدين هو السبب في التواصل ده، عن طريق أغنية عملناها سوا لفؤاد ولسة منزلتش، وبعدها في 2016، طُرح أول عمل يجمعني بفؤاد، وهي أغنية (تفاصيل ما بينا)، وللأسف اتظلمت، عشان مكانش في دعايا جيدة لها وقتها، وبعد كدة حصل اختفاء شوية ورجعنا بأغنية (ليه)".

وأشار إلى أنه من بداية تعاونه مع "فؤاد" كان يخطط لكسب الجمهور، وتأكيدهم على أن تلك الأغنية ستكون هي العودة القوية لـ"فؤاد" بعد فترة الغياب.

وأضاف: "أحلى كلمة حبيتها من وقت ما الأغنية نزلت، هي هو ده محمد فؤاد بتاع زمان، وهو ده كان هدفي من بداية ما قالي اشتغل معاه، وكنت عايز الأغنية تطلع بنفس النوعية اللي اتربى علها جمهور فؤاد، والحمد لله قدرت أعمل ده والناس كلها أشادت به".

محمد فؤاد مبررا غيابه: "قولت مش هغني غير لما أطمن على مصر" (فيديو)

محمد فؤاد يطرح أولى أغاني ألبومه الجديد "ليه" (فيديو)