أحمد الفيشاوي يُعلن انتهاء تصوير أغنية "نمبر 2": قريبًا
أعلن الفنان أحمد الفيشاوي، انتهاء تصوير فيديو كليب أغنية "نمبر 2"، التي يرد من خلالها على الفنان محمد رمضان، وذلك بعدما تأخر في طرحها لعدة أشهر.
ونشر أحمد الفيشاوي، صورة من كواليس تصوير الكليب، عبر حسابه الشخصي بموقع تبادل الصور والفيديوهات القصيرة "انستجرام"، وعلقت عليه قائلة:"خلصنا تصوير نمبر2.. قريبًا".
View this post on Instagram
وسبق، أوضح أحمد خلال لقائه مع برنامج "et بالعربي"، سبب تأخير طرح أغنية نمبر 2، وقال: "مغيرتش فيها ولا حرف حتى، هو بس الإنتاج كان كبير، وكان لازم نعمل حاجة كويسة، وكنت عايز أعمل أغنية تمثلني أنا كمصري، وفي نفس الوقت أقدر أرد بيها وتصريحاته، والكليب من إخراجه".
وأردف: "لا مفيش خلافات على المستوى الشخصي، وأنا معرفوش شخصيًا، واشتغلت معاه في فيلمه وكان ظريف جدًا، وكان بني آدم محترم ولذيذ، وشايف إنه ناجح جدًا وإما مكنتش عملت أغنية عليه، لا هو أنا الحقيقة عمري ما عملت أي حاجة عشان أركب تريند، بس هي بتيجي معايا كده أعتقد، وهو استفزني كـ رابر، وهو دا المجال بتاعي".
ورد الفيشاوي على تعليق الناقد طارق الشناوي: "متسمعش من طارق"، حيث قال طارق: "خسروا حاجة، مخسروش وهما بيلعبوا واحنا بيتلعب بينا وبنتفرج عليهم، وهما مبسوطين الناس بتتابعهم، ودا يرد على دا ودا يرد على دا، وفي الآخر هيطلعوا في صورة مع بعض والتريند يعلى".
أحمد الفيشاوي يرد على محمد رمضان بأغنيته الجديدة: “نمبر 2 في الملعب أنا سانتر يو” (صور)
