"اتجوزت جوزي عشان بيطبلي".. أبرز تصريحات ريهام عبد الغفور الجريئة مع "أبلة فاهيتا"

حلت الفنانة ريهام عبد الغفور، أمس، ضيفة برنامج "من الدوبلكس"، الذي تقدمه الدمية أبلة فاهيتا، حيث كانت حلقة مليئة بالمواقف الضاحكة التي نالت إعجاب الجمهور.

وتحدثت خلال اللقاء عن مشوراها الفني وعلاقتها بالنجوم الكبار، بجانب الحديث عن علاقتها بزوجها وأبنائها وأعمالها الفنية القادمة.

ونستعرض في السطور التالية أبرز تصريحات الفنانة ريهام عبد الغفور مع أبلة فاهيتا:-

1- والدتى اسمها شمعة وبيتقال عليها كدة عشان من صغرها كانت بيضة وحلوة ومنورة، بس هي اسمها الأصلى فاطمة بس مش بنقوله.

2- أقرب حد ليا في الوسط الفني حنان مطاوع، وروحنا مع بعض قبل كدة في مهرجان كان وشوفت براد بيت ومعاه أنجلينا جولى، وكانت حامل وهو ماشى وراها بالشمسية.

3- أمي رفضت زواجي في البداية لأني تعرفت على زوجي من حفلة وكان بيلعب على الطبلة كهواية وسمعت أن بنتها أتجوزت طبال فلطمت.

4- زوجى مصري بس والدته من ألمانيا، ومكنش له في التصوير ولكن بعد الجواز أخد كورس عشان نتصور كتير وكدة، وعمره ما حضر معايا ولا مهرجان ولا تكريم ولا جايزة استلمها.

5-كنت برقص بالية، ومكملتش بسبب إن أخويا كان مصاحب المدربة بتاعتى ولما سابوا بعض مبقاش يودينى.

6- أنا روحت اداء تمثيل من غير أهلى ما يعرفوا لأنهم مكنوش عاوزنى أشتغل قبل ما أخلص دراستى.

7- بدأت ألعب مزيكا وأنا في المدرسة تقريبا في خامسة ابتدائى، وكملت بعد كدة وقابلت ناس أتراك في سنة 1999، وقعدت كام شهر اتعلمت اكتر على آلة الطبلة.

8-اتجوزت جوزى عشان كان بيطبلى في الأول وخلاص بقى بعدما اتجوزنا لأن الطبلة دى عملت مشاكل كتير، وكان لما بيطبل بلاقى حواليه 20 بنت فخليته يبطلها خالص.

ريهام عبد الغفور: "تمردت على نفسي منذ 10 سنوات.. وأتمنى أبقى ربع منى زكي" (حوار)