إيمان سلامة: "أرفض تجسيد شخصية سعاد حسني.. والتشبيه يعكس إثبات إمكانيات مُمثله"
كشفت الفنانة الشابة إيمان سلامة، شبية سعاد حسني، عن رفضها تجسيد شخصية السندريلا في أي عمل درامي، مؤكدة أن سعاد حسني حالة لن تتكرر، وتقليد شخصيتها مسؤولية كبيرة على أي ممثل.
وكتبت إيمان سلامة، منشورًا عبر حسابها الشخصي بموقع التواصل الاجتماعي "فيس بوك"، وقالت: "كلمتين نقفل بيهم موضوع سعاد حسنى الله يرحمها، لا حد يكلمني يسألني عن رأيي فى الفنانة الفلانية اللى بتقول تعمل سعاد حسنى ولا عن رأيي فى كثرة الأخبار والدعم من زوجها والناس مش عاجبها ولا عاجبها".
.jpg/)
وتابع: "أولًا.. أنا مالي لا أنا وصية على حد ولا ليه علاقة مين يعمل أو ميعملش ربنا يوفق الجميع والناس أحرار يحبوا أو لأ وطبيعي جدًا زوجها يدعمها مش عيب.. ثانيآ أنا ممثلة و طبيعي أي ممثلة أو ممثل لما يكون عنده حاجه بتميزه بيشتغل عليها وبيعرضها للناس من باب إنها امكانيات تمثيلية وإنه يقدر يتلون ويعمل أكتر من حاجة وده اللى أنا عملته بصورالشبه بسعاد حسنى وأى ممثلة مكاني مع تشجيع الناس هتعمل زى ما أنا عملت وطبيعى، زى ما كمان أثبت بشغلى وكنت قاصده أكون بعيده تمامًا عن الشبه ده لما عملت دور ليلى فى الأب الروحى أو شهد فى البيت الكبير أو روز فى سلسال الدم وغيرهم أعتقد إنى مكنتش بعتمد على شكلى او شبه نهائي".
وأضاف: "ثالثًا.. و ده الأهم بالنسبالي أنا مش هعمل دور سعاد حسنى فى أي عمل أبدًا.. والتشبيه بسعاد حسنى هو بالنسبالى كان بمثابه إثبات امكانيات ممثلة واجتهاد منى والاجتهاد والتنوع شيء مشروع وحبى ليها حقى زى ما هو حق لكل اللى بيحبوها من فنانين وجمهور.. سعاد حسنى حالة لن تتكرر ومفيش ممثلة مصرية مبتتعلمش من أدائها و موهبتها الكبيرة.. وأى اسم يتذكر جنبها شرف ومسؤولية لأي ممثل.. أتمنى أكون رديت بشكل واضح للكل.. و شكرًا".
إيمان سلامة شبيهة سعاد حسني تحتفل بعيد ميلاد السندريلا الـ78 (صورة)
بعد تشبيهها بـ”السندريلا”.. إيمان سلامة تصدم جمهورها بإطلالة جريئة على البحر (صور)
