الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

بعد تصريحات محمد رمضان.. نادر حمدي: “عمرو دياب مابيعملش غير شغله” (صورة)

القاهرة 24
فن
الأحد 23/فبراير/2020 - 02:05 م

شارك عدد من المقربين من الهضبة عمرو دياب، شعراء وملحنين، البيان الذي أصدره المحامي أشرف عبد العزيز، الذي أصدره بعد تصريحات وتلميحات محمد رمضان بأن الهضبة عمرو دياب “النجم المصري الكبير” والذي قال أنه يقف وراء أزمته الأخيرة التي وصفها بـ الممنهجة بعد حملات المقاطعة التي اجتاحت فيسبوك.

وقال الموزع نادر حمدي عبر صفحته على فيس بوك: “أنا مش غاوي اتكلم أوى بس معلش بقى إحنا عندنا حاجة في بلدنا متفقين عليها وده قليل أننا نتفق بس “اللي مالوش كبير بيشتريله كبير” وإحنا الحمد لله عندنا كبير في المنطقة دي وكبير أوي ومش بس في بلدنا مصر لأ ده في الوطن العربي والعالم كمان فمش منطقي أن إحنا نشوه كمان رموزنا اللي هما اصلاً مش كتير دلوقتي بس عمرو دياب ما ينفعش نتكلم عليه غير في شغله لأن هو ما بيعملش بجد غير شغله و انا شاهد على ده”

وتعليقًا على الأمر قال الشاعر الشاب تامر حسين: “الحقيقة مش عارف إحنا بقينا نستحل نتهم الناس بالباطل أزاى؟، وهل يُعقل راجل مُتربع على قمة الغناء 30 سنة ومطرب وبيغنى ويسلطن ومواكب ومتطور وشايل صناعة بحالها على كتافه ومشرف مصر بقاله سنين بسيرته وأعماله ونجاحاته وقدوة بجد للشباب ومختلف الأجيال والأعمار ومطرب كبيرمش بيقول “راب” ولا دخيل على الشُغلانة حايفكر يمنع ممثل أو مؤدى من الغُنا أو يحاربك مثلاً”.

“القاهرة 24” يكشف ادعاءات محمد رمضان.. محامى الطيار خصم لعمرو دياب وأشرف عبد العزيز حصل على حكم حبس ضده (مستندات)

وأضاف: “ياجماعة اتقوا الله واعقلوا اللى بيتقال الناس مش حاتتعاطف مع الهزى ده الناس بتشمئز من الكلام اللى مفيهوش ريحة المنطق وربنا يهدى، وادى رد محامي المطرب عمرو دياب على الاتهام الباطل”.

ووجه رسالة لرمضان قال فيها: “ياريت يا أستاذ يللى بتتهم الناس بالباطل نحافظ على رموزنا الحقيقين والمؤثرين بالإيجاب ونجومنا الكبار اللى فاضلين لنا عشان لما تبقى حضرتك ناجح 30 سنة على التوالى نتشرف بيك وبانجازاتك وبسيرتك ونقف ضد اللى يمسك بكلمة، الكبير له مقامه واحترامه وتقديره وياريت ننجح بشرف”.

فيما قال عمرو مصطفى: “اعتقد ان رد تامر بسيط بالنسبه لو انا رديت تقول نمبر وان علي الممثلين الساكتين عن التجاوزات بتعتك ماشي ملناش دعوه لكن عند الغناء والموسيقي بلاش علشان هتزعل الموسيقي والغناء وعمرو دياب تحديدًا، خط أحمر وهو أنت بتمتهن مهنة أو ليك فيها عشان أي حد في المهنة يغير منك ويحاربك يابني انت ماتعرفش السلم الموسيقي من سلم بيتك.

تابع مواقعنا