رنا سماحة تنجو من حادث سير مروع بطريق السويس (تفاصيل)

تعرضت المطربة رنا سماحة، لحادث سير بسيارتها على طريق السويس، مساء أمس الأربعاء، حيث نشرت صور تحطم السيارة على حسابها الشخصي بموقع التواصل الاجتماعي “فيس بوك”.

وكتبت رنا على صور السيارة: “الحمد لله.. رصيد الستر.. على طريق السويس عربيتي طارت دخلت جزيرة وخرجت ومعرفش إزاى ربنا ستر وطلعت منها سليمه.. أنا بخير الحمد لله وربنا يعوض علينا”.

وعادت المطربة مرة أخرى، وطمأنت جمهورها وأصدقائها على صحتها، فكتبت: “الحمدلله أنا بخير ومحصليش حاجه اتطمنوا، وبجد مش عارفه أشكركم إزاي، اللي كتبلي واللي بعتلي واللي كلمني واللي جالي ربنا يستر طريقكم جميعاً”.

وتابعت: “خلوا بالكوا يا جماعه بالله عليكم خصوصاً في الطرق اللي فيها إصلاحات، والطرق اللي متعرفوهاش في لحظه متعرفوش إيه اللي ممكن يحصل، بعتذر إني مقدرتش أرد على كم التليفونات والرسايل والكومنتات اللي جاتلي من امبارح على راسي كلكوا فرد فرد ربنا يديمكم نعمة، ومحدش فيكم يشوف اي حاجه وحشه في حياته”.

وحققت النجمة رنا سماحة نجاحًا كبيرًا بعد طرح أغنيتها المصورة الجديدة “أميرة الحب”، كما إنها تستعد حاليًا لإحياء حفل غنائي جديد لها في سلطنة عمان بالتزامن مع احتفاليات عيد الأم.

رنا سماحة تروج لحفلها الأول في عمان 20 مارس المقبل (صورة)