الأربعاء ٢٧ يناير ٢٠٢١

رئيس التحرير
محمود المملوك

فن

عمر كمال: “حياتي نظيفة ومحافظ على فرض الله حتى لو دخلت كباريه أو كازينو “

عمر كمال

قال مطرب المهرجانات عمر كمال عن كونه مطرب أم مغني مهرجانات: “أنا مغني وبتاع مهرجانات ويمكن قدام شوية أغير الاتجاه،ودخلت المهرجانات علشان أعلي روحي شوية”.

وحل عمر كمال ضيفًا ببرنامج شيخ الحارة والجريئة مع إيناس الدغيدي على قناة القاهرة والناس، وذكر علاقته بوالده وقال: “والدي مات قبل ما أغني، وكان ملتزم دينيًا، ومكانش يعرف إن صوتي كويس، وأنا كنت لا أجرأ إني أقوله صوتي حلو، لإن أهالينا واخدين عن المجال فكرة مش كويسة”.

وأردف كمال: “أنا حياتي نظيفة ومحافظ على فرض الله، ولو دخلت كباريه أو كازينو، بخرج زي ما بدخل، ودخولي مكان زي ده ميلوثنيش، أنا بدخل أخلص الأوردر بتاعي وأخرج على طول”.

عمر كمال: “بتعرض لظلم كتير وبيشتموا أهلي.. وأنا بقالي 4 سنين شقيان في الغربة” (فيديو)

وعن مشكلته مع مطرب المهرجانات حسن شاكوش قال: “مشكلتي مع شاكوش مش ميديا، وأنا مش بحب الصفار والنفاق، ومش عارف يعني ايه هو مسكني 8 آلاف وهو مش مدير أعمالي”.

واستكمل: “أنا مخدتش حاجة من شاكوش في بنت الجيران، وشاكوش كلمني بعد حلقته مع شيخ الحارة واعتذرلي، ولكن ده مش مقبول”.

وتحدث عن مطرب المهرجانات حمو بيكا وأعرب: “حمو بيكا سبب من أسباب معرفة الجمهور بيا وبشاكوش، وفي فترة كان هو نمبر وان في المهرجانات ومسمع وقناته متشافة، وحمو غلبان وقلبه طيب جدا”

وسوم أزمة مطربي المهرجانات أغاني حمو بيكا عمر كمال مطربي المهرجان

عاجل البنك المركزي: الدولار يسجل أكبر خسارة له عالميًا خلال 5 أسابيع والذهب يرتفع