الكاتب هاني عزب ينتقد غياب الفنانين عن جنازة الراحل حسن حسني: وسط غدار (صورة)

انتقد الكاتب الصحفي هاني عزب، غياب الفنانين عن حضور تشييع جثمان الفنان الراحل حسن حسني، والذي توفي مساء أمس عن عمر يناهز الـ89 عامًا، خاصة أنه رغم كونه له الفضل على أغلب النجوم الحالين ولكن جنازته لم تشهد سوى حضور عدد محدود للغاية من النجوم أبرزهم سعد الصغير وأحمد بدير ومنير مكرم، واصفا الوسط الفني بالغدار.

وعلق هاني عزب عبر حسابه الشخصي بموقع التواصل الاجتماعي فيس بوك، على غياب الفنانين حضور جنازة الراحل حسن حسني، قائلا: “جنازة حسن حسني كشفت قد إيه الوسط الفني غدار والحقيقة أنا عارف ده كويس وعارف ان حقيقة كل الفنانين ومش مستغرب منهم لان ده العادي بتاعهم”.

وأضاف: “جنازة حسن حسني لم يحضر أحد من كل النجوم اللي وقف جنبهم وساعدهم وشارك معاهم.. لم يحضر أحد من كل اللي قالوا حسن حسني ابونا وصاحب فضل علينا.. كلهم اكتفوا بصورة ونعي على السوشيال ميديا عشان التريند”.

وتابع: “افتكروا كده جنازة والدة المخرج معتز التوني وحماة عمرو الليثي كانت الشهر اللي فاتت شوفوا كانت زحمة ازاي وكان فيها نجوم قد إيه واعلامين وده طبعا لان معروف ليه وبالمناسبة الشهر اللي فات كان في كورونا برضه”.

وأشار: “جنازة حسن حسني خلت من النجوم عشان خلاص مفيش مصلحة لا عنده ابن منتج ولا ومخرج ولا اي حاجة عشان كده اغلب النجوم محضروش جنازة ابوهم واللي خيره عليهم”.

وأكد: “أغلب النجوم هييقولوا اصل في كورونا مع إنهم لسه مخلصين تصوير رمضان ومخلصين تصوير برامج وعمالين ينحتوا يمين وشمال وبيعملوا إعلانات وغير اللي في الساحل والجونة… واتمني ان الفترة الجاية يروحوا يقرأو الفاتحة لوحدهم حتى كرد للجميل”.

واختتم عزب حديثة، قائلا: “حسن حسني مش هيتكرر ولولا مشاركته مع نجوم كتير مكنوش هيبقوا نجوم ولا ينجحوا من غيره…طبعا انتم عارفين كلكم كل الاسماء اللي حسن حسني وقف جنبها وساندهم وهما لسه ولا حاجة”، مؤكدا : “وسط فني كله مصالح واللي موجود يبقي عاش الملك”.

وتم تشييع جثمان حسن حسني لمقابر عائلته في مدينة السادس من أكتوبر، وصلى عليه الحاضرين أمام المقابر صلاة الظهر والجنازة، بحضور العديد من محبيه من عائلته، وحرص بعض الفنانين على حضور العزاء، وعلى رأسهم الفنان سعد الصغير وأحمد بدير ومنير مكرم.

بعد وفاته بيوم.. دنيا سمير غانم تنعي الفنان الراحل حسن حسني

نجل حسن حسني: والدي أصيب بجلطة في القلب قبل وفاته بيومين