الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

حمو بيكا عن المتضررين من حادث “بورتو مارينا”: كانوا واقفين في الممنوع ويقدروا يجيبوا غيرها

القاهرة 24
فن
الإثنين 03/أغسطس/2020 - 08:46 م

علق مطرب المهرجانات حمو بيكا، على أنباء تعرضه لحادث صباح اليوم الاثنين، في بورتو مارينا بالساحل الشمالي، أدى إلى تحطم 7 سيارات، وتحرير محضر ضده رقم 902 إداري مارينا لسنة 2020.

وقال حمو بيكا خلال بث مباشر على صفحته الرسمية بـ”فيس بوك”، “والله ياجماعة في دلوقتي أخبار منزله، في حاجات فيها حقيقي وفي حاجات فيها كدب، هي فعلًا السيارة بتاعت مدير أعمالي هو عطاها لحد تاني يجيب بيها حاجات، وإحنا في الفندق جالنا تليفون وقالنا الحقوا العربية عامله حادثة، وروحنا بورتو مارينا لقينا الاثنين اللي كانوا في العربية واقعين على الأرض، كان كل هدفنا مش العربية بقى إحنا أهم حاجة اتطمنا على اللي جواها خلاص”.

وتابع: “كان فيه عربيات واقفة صف تاني واقفة في الممنوع، وكان في عربية كان ضهرها كله في الشارع، وهو بيلف الملف خبط العربية دي ومكنش شايف حاجه، طبعًا إحنا اتصورنا والناس بقت بتحب تنزل أي حاجة على فيس بوك، بس لما تيجي تكتب اكتب بعقل، هو دلوقت بخير وبيتحقق معاه في النيابة ومعاه المحاميين بتوعي، كله بيقول عربية حمو بيكا لأ هي عربية مدير أعمالي”.

واستكمل: “وحدوا الله كده كل سنة وأنتم طيبين، واتطمنوا أنا بخير”، كما وجه رسالة للمتضررين من الحادث: “الحمد لله أنكم بخير ووافقين على رجليكم وتقدروا تجيبوا غيرها، محدش بيهرب من قضاء ربنا، فيه واحد بيبقى نايم في أمان يصحوا يلاقوه ميت، اللي بيجي في الحديد بيتصلح إنما البني آدمين مبتتصلحش”.

وأضاف: ” أصلا كل اللي واقف كان واقف صف تاني غلط يعني، وأنتوا عارفين إن الساحل زحمة، والبني آدم بيخطأ، الحمد لله أن الكل بخير ومحدش حصله حاجه، وكلها كانت سليمة، هي بس العربيات كانت واقفة وهو كان بيجري وخبط في العربية دي وبعدين الإير باك فتح فشد العربيات اللي وراها”.

وكيل أعمال حمو بيكا يكشف حقيقة تعرض “مطرب المهرجانات” لحادث في بورتو

خمور وحشيش.. شاهد عيان يروي تفاصيل حادث حمو بيكا في بورتو مارينا (صور)

تابع مواقعنا