مؤلف آخر عمل لـ”المنتصر بالله”: “الدكتور قال إن الشغل عمل طفرة صحية.. والراحل تألق في البروفات”

كشف السيناريست وليد يوسف، تفاصيل المشروع المسرحي الأخير، بعنوان “استغماية” الذي كان من المقرر أن يقدمه الفنان الراحل المنتصر بالله، ولكن تم إيقافه بسبب سوء حالته الصحية. وشارك يوسف جمهوره بصورة من كواليس التحضير للمسرحية في منزل الراحل، على حسابه الشخصي بـ”فيس بوك”، وعلق عليها قائلًا:” الصورة دي في البيت عند مونتي، كنت بعرفه على جزء من فريق عمل مسرحيه أطفال كانت بطولته وكان هايرجع بيها مرة تانيه للشغل.. في بروفات الترابيزة كان متألقا كالعادة.. وكان بيرمي ايفيهات مضحكة جدا وغير متوقعة”. وتابع: “عملنا 3 بروفات.. وكلمتني رانيا بنته طايرة من الفرح الدكتور اللي بيتابع عنده مونتي، قال لها إن الشغل عمل طفرة في حالته وإن الجلطة اللي كانت مقعداه في البيت لسنين في طريقها للشفا وتحمسنا أكتر للمشروع ومش عايز أقولكم فرحة كل الممثلين اللي في العرض وإحساسهم بالفخر للشغل معاه”. استكمل: “لكن للأسف مونتي جاله دور برد.. تعب شويه وأجلنا البروفات.. وزاد التعب ورجع مونتي للبيت تاني.. وفضل تعبان لحد ماراح لربنا النهارده.. فيه ناس كتير روحها وحياتها في الشغل.. مابتحسش إنها عايشه وموجوده غير بالشغل.. قعده البيت موت مبكر.. لكن مونتي هايفضل موجود وعايش ومبهج”.

واختتم:” أنا متاكد أنه دلوقت بينشر البهجه في السما زي ماكان بينشرها في الأرض، خالص عزائي ليكي ياعزيزه ياست الستات.. نموذج الزوجه الوفية.. وربنا يصبر قلوبكم يابنات”.

أحمد بدير لـ”القاهرة 24″: فيروس كورونا منعني أزور المنتصر بالله

أشرف زكي يكشف سبب تأجيل دفن المنتصر بالله للغد