بشرى لضيفات مهرجان الجونة السينمائي: “عايزين نكون مرتاحين من غير بهرجة”
كشفت الفنانة بشرى، تفاصيل الدورة الرابعة من مهرجان الجونة السينمائي، المقرر انعقادها في الفترة ما بين 23 إلى 31 أكتوبر، مع اتباع كافة الإجراءات الاحترازية للوقاية من فيروس كورونا المستجد.
وقالت بشرى خلال لقائها مع برنامج “it’s show time”، إنه من المقرر حضور الكثير من النجوم العالميين، الذين وافقوا بشكل مبدئي على دعوة إدارة المهرجان، وهم من فرنسا، وألمانيا، وسويسرا، قائلة: “المشكلة بس اللي موجودة في العالم كله، بسبب الطيران، وتحديده لدول معينة، وإحنا بالعكس عندنا ناس كتير عايزه تحضر”.
وتابعت بشرى: “الافتتاح والختام هيكونوا في القاعة الجديدة المفتوحة، كمان هيتم إضافة مسرح مفتوح، عشان نطبق إجراءات وزارة الصحة، وعندنا الإمكانية نطبق تعليمات، وهنحدد الجزئية اللي هيتم فيها التحرك، حتى السينمات المغلقة هنلتزم بالإجراءات ومن المحتمل تكون نسبة إشغالها 50%”.
وأما عن “ريد كاربت” المهرجان التي ينتظرها الجمهور في ظل كورونا، قالت رزة: “أنا نفسي منلخصش المهرجان في الريد كاربت، هو أهم من كده بكتير، مش عايره نبقى متكلفين أنا اقتراحي إن اللبس يكون كوكتيل، عايزه نكون مرتاحين ومن غير بهرجة، وهيبقى في صعوبة إن إحنا نكون مبالغين، ونسهل على نفسنا الحركة”.