شاهد.. كلمات مؤثرة لأرملة اللواء ياسر عسر شهيد حادث مترو مسرة (فيديو)

قالت أرملة الشهيد اللواء ياسر عسر، شهيد المترو: “كان المفروض أنه بيجي إجازة يوم الخميس والجمعة وبيمشي السبت الصبح وبيرجع يوم الأحد، بس هو عمره ما كان بيتأخر على أنه يؤدي واجبه لآخر وقت”.

وأضافت أرملة شهيد المترو، خلال لقائها بفضائية “TeN”، اليوم الثلاثاء: “المفروض أنه كان جاي أمس الاثنين، وكلّمته قبل الحادثة بوقت بسيط، قولتله أنت جاي، فقالي إن شاء الله مش عارف الله أعلم جاي ولا مش جاي، تقريبا كان حاسس”.

وتابعت: “بعد شوية حسيت أنه فيه حاجه فرجعت اتصلت بيه لاقيت تليفونه مقفول فقولت أكيد فيه مشكلة وهو مش فاضي يرد عليا، وبعد كده التليفون اتفتح وفضلت اتصل بيه مش بيرد، وبعد كده لاقيت ابني نازل وبيقولي أن باباه تعبان وفي المستشفى، فاتصلت بأخو زوجي ف لاقيته هناك في المستشفى معاه، وهما ناس متماسكين جدا ولما بيكون فيه حاجة مش بيخلوا الستات يروحوا في حتة”.

وأردفت: “ولما وصلت المستشفى قالولي البقاء لله، وهو كان بيؤدي واجبه لآخر وقت خاصة لما عرف بحريق محطة مسرة، ولما ينتظر مجيء الحماية المدنية وقام بإطفاء الحريق بنفسه”.

بينما قالت ابنة الشهيد ياسر عصر: “أنا كنت نايمة وصحيت لاقيت مامتي بتكلم أخويا زياد، وبيقولها أن بابا تعبان، وبعد كده ماما كلمت حد من أعمامي عشان يكون مع بابا، وفعلا لاقينا حد منهم هناك، أنا دايما فخورة بيه سواء كان شهيد أو لأ، لأنه مكنش بيحاول يرمي شغله على ناس تانية لحد النهاية”.